Wardha: महामार्गावर चक्काजाम आंदोलन; हिंस्त्र प्राण्याच्या हल्ल्यात मृत व्यक्तीच्या कुटुंबियांना मदतीची मागणी

चेतन व्यास

वर्धा : नागपूर– अमरावती (Amaravati) महामार्गवर कारंजा (घाडगे) जवळ हेटीकुंडी फाट्यावर काँग्रेसचे माजी आमदार अमर काळे यांच्या नेतृत्वाखाली रास्ता रोको करण्यात आले. दोन तास झालेल्या या आंदोलनात अमरावती नागपूर (Nagpur) महामार्ग रोखून धरल्यान वाहनांच्य लांबलचक रांगा लागल्या होत्या. (Wardha Today News)

कारंजा (घाडगे) तालुक्यात (Wardha) जंगल भागाला लागून असलेल्या काही गावांत काळजीचे वातावरण आहे. वन्यप्राण्यांमूळे होणारे नुकसान टाळण्यासाठी उपाययोजना कराव्यात, शेतकऱ्यांना (farmer) सौर कुंपण द्यावे, शेतीला दिवसा वीज पुरवठा करावा; आदी मागण्या यावेळी केल्या. जवळपास दोन तास रास्ता रोको करण्यात आला. आंदोलनात मोठ्या संख्येन शेतकरी, नागरिकांनी सहभाग नोंदवला.

त्‍या कुटूंबियांना ५० लाखाची मदत द्या

हिंस्त्र प्राण्याच्या हल्ल्यात ठार झालेल्या व्यक्तीच्या कुटुंबीयांना 50 लाख रूपये आर्थिक मदत द्यावी, कुटुंबातील एका सदस्यास नोकरीत सामावून घ्याव, अशी मागणी आंदोलकांनी केली.