Wardha News: विहीरीच्या मागणीसाठी नदी पात्रात उतरून आंदोलन

चेतन व्यास

वर्धा : वर्धा जिल्ह्याच्या सेलसूरा येथे नागरिकांनी पाण्यासाठी नदीपात्रात उतरून आंदोलन केले. तातडीने फिल्टर द्यावे, तसेच नवीन विहीर निर्माण करावी; या मागणीसाठी (Wardha) हे आंदोलन करण्यात आले. (Maharashtra News)

सेलसुरा (Wardha News) येथे नदी काठावर पाणी पुरवठ्याची विहीर आहे. पावसाळ्यात (Rain) नदीला पूर आल्याने विहिरीच्या भिंतीला तडे गेले. त्यामुळे नदीतील गढूळ पाणी विहिरीत आणि तेच पाणी जलकुंभात जाते. त्याचा पुरवठा गावात होतो. गावात अशा पाण्यामुळे आजाराचे प्रमाण वाढल्याचे नागरिकांनी सांगितले.

विहिरीवर हवे फिल्‍टर

नदी काठावर असलेल्‍या विहिरीवर तातडीने फिल्टर बसवावे. ज्‍यामुळे गावात शुद्ध पाणी पुरवठा होईल. शिवाय नवीन विहीर निर्माण करावी; या मागणीसाठी गावकऱ्यांनी नदी पात्रात उतरून आंदोलन केले.