नागपूर : नागपूरच्या सदर पोलीस स्टेशन हद्दीत भर दिवसा रस्त्यावर एकाची हत्या (Crime News) झाल्‍याची घटना घडली आहे. आरोपी आणि मृतकात वाद झाल्याने शुल्लक कारणावरून हत्या झाली असून पोलिसांनी (Police) घटनास्थळ गाठत तपास सुरू केला आहे. (Breaking Marathi News)
नागपूरच्या (Nagpur) सदर पोलिस स्टेशन हद्दीत सकाळी अकरा वाजेच्या दरम्यान आरोपी आणि मृतक प्रणय पात्रे एका टपरीवर बसून नाश्ता करत होते. या दरम्यान त्यांच्यात शुल्लक कारणावरून वाद सुरू झाला. यानंतर दोघांनी एकमेकांसोबत मारपीट (Nagpur Crime) करायला सुरुवात केली. मारपीट करत असताना आरोपीने आपल्या खिशातील चाकू काढून मृतकाच्या पोटात खुपसला. रक्तबंबाळ झालेल्या मृतकाचा जागीच मृत्यू झाला.
पोलिसांकडून तपास सुरू
भर रस्त्यात झालेल्या या हत्‍येमुळे खळबळ उडाली आहे. घटनेचे गांभीर्य बघता पोलिसांचा फौज फाटा घटनास्थळी पोहोचला आणि हत्येच्या कारणाचा तपास सुरू केला आहे. तसेच आरोपीचा शोध देखील सुरू आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
