Hinganghat Crime: तरूणीनं भेटण्यास नकार दिल्यानं प्रियकर चिडला; पुढे घडले ते अंगाचा थरकाप उडवणारं

वर्धा : वर्धेच्या हिंगणघाट येथे भेटण्यास नकार देत फोन उचलने बंद केल्याने प्रियकराने प्रेयसीला विष (Wardha News) पाजले. इतकेच नाही तर युवकाने स्वतःही विष प्राशन केले. यानंतर दोघांनाही सेवाग्राम रूग्णालयात (Hospital) उपचारासाठी दाखल करण्यात आले आहे. याप्रकरणी हिंगणघाट पोलिसांनी युवकाविरोधात गुन्हा दाखल केला. (Breaking Marathi News)

आरोपी अमन निखार याचा हिंगणघाट येथील एका युवतीसोबत प्रेम संबंध होते. दरम्यान युवतीने युवकाला भेटण्यास नकार दिला. युवकाने फोनवरून संपर्क साधण्याचा प्रयत्‍न केला. मात्र युवतीने युवकाचा फोन उचलणे देखील बंद केला होता. यामुळे युवकाचा राग अनावर झाला.

घरा बाहेर निघताच साधली संधी

दरम्यान तरुणीही काही कामानिमित्त मैत्रिणीसोबत घराच्या बाहेर पडली होती. ही संधी साधत युवतीला वाटेत गाठत गाडीवर बळजबरीने बसवून निर्जनस्थळी नेले. येथे युवतीला सोबत आणलेले विषारी औषध पाजले आणी युवकाने स्वतः देखील विषारी औषध प्राशन केले. यामुळे दोघेही अत्‍यव्‍यस्‍थ झाले. दोघांनाही सेवाग्राम रुग्णालयात उपचारासाठी दाखल केले असून दोघांचीही प्रकृती गंभीर असल्याचे सांगण्यात येत आहे.