Wardha News: धक्‍कादायक..घरात एकट्या असलेल्‍या दृष्टीहीन मुलीचा विनयभंग

वर्धा : दोन्ही डोळ्यांनी अंध असलेल्या अल्पवयीन मुलीचा विनयभंग करण्यात आला. या लाजीवारण्या घटनेने शहरात चांगलीच खळबळ उडाली. याप्रकरणी वर्धा शहर (Police) पोलिसात गुन्हा (Crime News) दाखल करुन आरोपी नराधमाला पोलिसांनी बेड्या ठोकल्या. नितीकेश उर्फ कवड्या राजू भंडारे (२१) अस आरोपीच नाव आहे. (Maharashtra News)

शहर पोलीस ठाण्याच्या (wardha) हद्दीतील एका परिसरातील रहिवासी अल्पवयीन मुलगी घरी एकटीच होती. ती दोन्ही डोळ्यांनी अंध आहे. तिची आई लहान बहिणीला घेऊन बाहेर गेली होती. याचा गैरफायदा घेऊन आरोपी नितीकेश उर्फ कवड्या राजू भंडारे (वय २१) याने अल्पवयीन मुलीच्या घरात प्रवेश करुन अल्पवयीन मुलीशी असभ्य वर्तन करीत तिचा विनयभंग केला.

मुलीने आरडाओरड केली असता आरोपी नराधमाने तेथून पळ काढला. घडलेला प्रकार पीडितेने तिच्या आईला सांगितला. आईने मुलाला घेऊन थेट शहर पोलीस ठाणे गाठून याबाबतची तक्रार दिली. पोलिसांनी आरोपी कवड्याविरुद्ध गुन्हा दाखल करुन त्याला अटक केल्याची माहिती दिली.