Bhandara: वैनगंगा नदीने धोक्याची पातळी ओलंडली; भंडारा-तुमसर राज्यमार्ग बंद तर १५० कुटुंबांचे स्थलांतर

भंडारा: भंडारा (Bhandara) जिल्ह्याची जीवनदायिनी मानली जाणारी वैनगंगा नदीने (Wainganga River) धोक्याची पातळी ओलांडली आहे. नदीच्या पाण्याची पातळी ३ मीटरपेक्षा जास्त वाढली असल्याने भंडारा शहराला पुराचा (Flood) वेढा बसला आहे. याचा फटका भंडारा शहरालगत असलेल्या टाकली-खमाटा येथे बसला आहे. याठिकाणी पुराचे पाणी अडीच फुटावर आल्याने भंडारा-तुमसर राज्यमार्ग बंद झाला आहे. (Bhandara Latest News)

हे देखील पाहा -

भंडारा, तुमसर, मोहाडी या तालुक्यांना पुराचा फटका बसल्याने येथील तब्बल १५० कुटुंबांना सुरक्षित स्थळी हलवविण्यात आले आहे. भंडारा शहरातील ग्रामसेवक कॉलनी, टप्पा मोहल्ला, खमाटा, कपिल नगर, गणेश नगरी आदि शहरालगतच्या भागात पुराचे पाणी येत असल्याने जिल्हा प्रशासनाने खबरदारी म्हणून येथील लोकांना विस्थापित केले आहे. तर जिल्ह्यात भंडारा, तुमसर, मोहाडी या तालुक्यात पुराचा फटका बसल्याने येथील तब्बल १५० कुटुंबांना सुरक्षित स्थळी हलवविण्यात आले आहे. वैनगंगा नदीच्या पाण्याती पातळी सध्या स्थिर झाल्याने पुढील संभाव्य धोका सद्धा टळला असल्याचे सांगण्यात येत आहे.

वैनगंगा नदीचा पूर नियंत्रित करण्यासाठी गोसिखुर्द धरणाचे संपूर्ण 33 दरवाजे अडीच मीटरने उघडण्यात आले असून १५ हजार १८० क्युसेकने पाण्याचा विसर्ग सुरु आहे. विशेष म्हणजे २०२० नंतर पुन्हा २०२२ ला अशी पुरपरिस्थिती उद्भवली आहे.

Edited By - Akshay Baisane