Waghnakh Opening Ceremony : ' काहींच्या मेंदूला बुरशी'; वाघनखांवरून देवेंद्र फडणवीसांचा विरोधकांना टोला, CM शिंदेंनीही टोचले कान

शिवाजी महाराजांनी स्थापन केलेल्या स्वराज्य स्थापनेत वाघनखांचा वाटा मोठा आहे. कारण याच वाघनखांनी स्वराज्यावर चालून आलेल्या अफजल खानाला शिवाजी महाराजांनी ठार केलं होतं. आज कित्येक दशकांनतर ही वाघनखं महाराष्ट्रात आणली आहेत. त्यामुळे सर्वांच्या चेहऱ्यावर आनंद आहे, मात्र विरोधक याचं राजकारण करत आहेत. वाघनखाचं राजकारण करणं म्हणजे महाराजांच्या विरतेचा अपमान करणं आहे, असं म्हणत मुख्यमंत्री एकनाथ शिंदे यांनी विरोधकांना सुनावलं.

सुधीर मुनगंटीवार यांनी वाघनखं अगदी वेळेवर आणली आहेत. वेळेवर म्हणजे वेगळा विचार करू नका, असं मिश्किलपणे मुख्यमंत्री म्हणाले. आपण त्यांच्या बद्दल बोललं म्हणजे वाघनखं जास्त वेळ आपल्याकडे राहतील. वाघनखं आल्यानंतर बाहेर देखील पाहत होतो सर्वाच्या चेहऱ्यावर एक आनंद पहायला मिळत होता. मात्र काही लोकांना यावरूनही राजकारण करायचं असतं, हे दुर्दैव आहे. वाघनखांना विरोध म्हणजे विरतेचा अपमान करणे आहे.

शिवाजी महाराज यांच्या पदस्पर्शाने पावन झालेली ही भूमी आहे. शिवरायांनी संपवला अफजल खान आणि ही वाघनखं म्हणजे महाराष्ट्राची शान आहे. वाघनखं आल्यामुळे छत्रपती शिवाजी महाराज यांच्या पराक्रमाचे आणि विरतेचे दर्शन होईल. ही वाघनखे आपल्या मराठी भूमीत दाखल झाली आहेत. सुधीर भाऊ लंडनमध्ये गेले याचमुळे याचं दर्शन आज झालं.

अफजल खानाचा वध ही साधी सुधी घटना नव्हती, तो पराक्रम आणि शूरता ही आपल्या डोळ्यासमोर आहे. शिवाजी महाराज यांनी मुघलांना नेस्तनाभूत केले. हिंदवी स्वराज्य घडवणे हा शिवाजी महाराज यांचा ध्यास होता. शिव छत्रपतीच्या गनिमी काव्याने अवघ्या जगाने प्रेरणा घेतली. त्यांची शिकवणूक आणि प्रेरणा आपण अमलात आणली पाहिजे.

जी वाघनख अनेक वर्ष लंडन च्या म्युझियममध्ये होती ती भारतात आली आहेत. आपल्या देशात काही लोकांना वाद करने हा एकमेव धंदा आहे. हा रोग आजचा नाही त्यांचा सामना छत्रपती शिवाजी महाराज यांना देखील करावा लागला. काहींच्या मेंदूत बुरशी आली त्यांची बुरशी काढण्याचे काम करा, असा टोला उपमुख्यमंत्री देवेंद्र पडणवीस यांनी विरोधकांना लगावला.