Vasai Crime News: वसईत एटीएम फोडण्याचा प्रयत्न; पोलीस येताच चोर पळाले

वसई : वसईत एसबीआय बॅंकेेचे एटीएम फोडण्याचा प्रयत्न केल्याची घटना रविवारी पहाटे साडेतीनच्या (Vasai) सुमारास घडली आहे. पोलिसांना माहिती मिळताच पोलीस (Police) घटनास्थळावर गेले. मात्र अज्ञात चोर त्यापूर्वीच पसार झाले. (Maharashtra News)

वसई पुर्वेच्या गोलानी नाका येथील दीप टॉवर इमारतीत शॉप नंबर १३ मध्ये एसबीआय बॅंकेचे एटीएम केंद्र आहे. पहाटे साडेतीनच्या सुमारास काही अज्ञात चोर एटीएम (ATM) फोडण्याचा प्रयत्न करत होते. कटरच्‍या सहाय्याने मशिन कापत होते. याबाबत कंट्रोल रुमला स्थानिकांनी माहिती दिली. यानंतर वालीव आणि नायगाव पोलीस ठाण्याचे पथक घटनास्थळावर रवाना झाले.

पोलिस आले त्‍यापुर्वीच..

पोलीस येत असल्याची कुणकुण लागताच चोर पसार झाला. अज्ञात चोरांनी एटीएमचे शटर बाहेरून बंद करून कटरच्या सहाय्याने एटीएम फोडत होते, अशी माहिती पोलिसांनी दिली. मास्क लावलेला एक चोर एटीएम फोडण्याचा प्रयत्न करत असल्याचे सीसीटीव्ही कॅमेर्‍यात दिसत आहे. पोलीस या चोरांचा शोध घेत आहेत.