पोहायला गेलेल्या पुतण्याला वाचवताना काका-पुतण्याचा दुर्दैवी मृत्यु

जालना : जालना शहरापासून जवळच असलेल्या घाणेवाडी जलाशयात पोहायला गेलेल्या पुतण्याला वाचवण्यासाठी गेलेल्या काका आणि पुतण्याचा जलाशयात बुडून दुर्दैवी मृत्यु झाल्याची घटना घाणेवाडी जलाशयात घडली आहे.

हे देखील पहा -

आज दुपारी तीनच्या सुमारास दत्तात्रय खंडागळे वय (वर्ष 18) राहणार मांडवा, हा पोहण्यासाठी घानेवाडी जलाशयात उतरला होता. त्याला खोल पण्याचा अंदाज न आल्याने तो पाण्यात बुडत असताना त्याची आरडाओरड ऐकून जवळ असलेले त्याचे काका परमेश्वर खंडागळे यांनी त्याला वाचवण्यासाठी पाण्यात उडी घेतली.

दत्तात्रायला वाचवण्याचा प्रयत्न परमेश्वर यांनी केला. मात्र दत्तात्रयने काकांच्या गळ्याला घट्ट मिठी मारल्याने दोघांचा ही पाण्यात बुडुन मृत्यू झाला. या घटनेची माहिती मिळताच परिसरातील नागरिकांनी जलाशयातून दोघांचेही मृतदेह बाहेर काढून त्यांना घाटी रुग्णालयात दाखल केले. मात्र, त्यांचा पाण्यात गुदमरून मृत्यु झाल्याचे डॉक्टरांनी घोषित केले. या घटनेने संपूर्ण मांडवा परिसरात शोककळा पसरली असून काका-पुतण्याच्या हळहळ व्यक्त केली जात आहे.

Edited By : Krushnarav Sathe