Ulhasnagar Crime : जुन्या वादातून जीवे मारण्याचा प्रयत्न; उल्हासनगरात गोळीबार करत कोयत्याने वार, तिघे अटकेत

उल्हासनगर : दोन गटांमध्ये असलेला जुना वाद उफाळून आल्याने जुन्या वादातून हत्या करण्यात आल्याचा प्रयत्न करण्यात आला आहे. उल्हासनगरमध्ये घडलेल्या या घटनेने खळबळ उडाली असून मारेकरींनी गोळीबार करत कोयता व चॉपरने वार करून जिवे ठार मारण्याचा प्रयत्न करण्यात आला आहे. या प्रकारात तिघे आरोपी हिल लाईन पोलिसांच्या सापळ्यात अडकले आहेत. 

उल्हासनगरच्या साईनाथ कॉलनी परिसरात सदरची घटना २७ ऑगस्टला रात्रीच्या सुमारास घडली. जुना वाद असल्याने याचा राग मनात होता. यातूनच २७ ऑगस्टच्या रात्री साईनाथ कॉलनी परिसरात योगेश उर्फ बबड्या मिश्रा व त्याचा मित्र धिरज विठ्ठळे हे सोबत असताना ती ते चार जणांनी मिळून दोघांवर आरोपींनी थेट गोळीबार करत कोयता व चॉपरने वार करून जिवे ठार मारण्याचा प्रयत्न केला होता. हल्ला केल्यानंतर मारेकरी फरार झाले होते. 

तिघेजण ताब्यात, फरार साथीदारांचा शोध सुरु 
दरम्यान घटना घडल्यानंतर पोलिसांना याची माहिती देण्यात आली. या प्रकरणी तक्रार दाखल करण्यात आली होती. यानंतर गुन्हे शाखा घटक ४ ने कारवाई करून जुनेद शेख, अभिमन्यु पटेल आणि मोनु शेख या तीन संशयित आरोपींना अटक केली आहे. त्याला कोर्टात हजर केले असता आरोपींना न्यायालयाने पोलीस कोठडी सुनावली असून त्यांच्या इतर फरार साथीदारांचा शोध सुरु आहे.

संशयित आरोपींनी दिली कबुली  

पोलिसांनी अधिक चौकशी केली असता या चौकशीत जुन्या वादातून हा हल्ला केल्याची आरोपींनी कबुली दिली आहे. सदर आरोपी हे पूर्वीपासूनचे गुन्हेगार असल्याचे पोलीस तपासात स्पष्ट झाले असून ही कारवाई ठाणे शहर पोलीस आयुक्त आशुतोष डुंबरे यांच्या मार्गदर्शनाखाली करण्यात आली.