Udayanraje Bhosale News : तुम्हांला वठणीवर आणायला वेळ लागणार नाही : उदयनराजे भाेसले

गेल्या काही दिवसांपासून पश्चिम भागात दूषित पाणीपूरवठा हाेत आहे.
mp udayanraje bhosale, satara, satara water cut news
mp udayanraje bhosale, satara, satara water cut newssaam tv

Satara News : गेल्या काही दिवसांपासून सातारा शहरातील पश्चिम भागात दूषित पाणीपूरवठा हाेत असल्याचे कारणास्तव सातारा (satara) पालिकेच्या प्रशासनाच्या कारभाराचा निषेध करण्यासाठी गुरुवारी (ता. 18) ढाेणे काॅलनी, मंगळवार पेठेतील नागरिकांनी माेर्चा काढत माेती चाैकातील वाहतुक राेखून धरली. आता या आंदाेलनाची दखल खासदार उदयनराजे भाेसले (udayanraje bhosale) यांनी देखील घेतली असून नागरिकांच्या भावनांशी आणि त्यांच्या जिवाशी खेळण्याचा प्रकार सहन करून घेतला जाणार नाही असा इशारा राजेंनी (udayanraje latest news) पालिका प्रशासनाला दिला आहे. (Maharashtra News)

mp udayanraje bhosale, satara, satara water cut news
Shahu Chhatrapati Gold Cup Football Tournament News : शिवाजी तरुण मंडळाने जिंकला शाहू छत्रपती गाेल्ड कप; Chenda वाद्याची राजघराण्याला भूरळ (पाहा व्हिडिओ)

खासदार उदयनराजे भाेसले यांनी पत्रकाद्वारे पालिका प्रशासनास सुनावले आहे. स्वच्छ व पुरेशा दाबाने पाणीपुरवठा करण्याची जबाबदारी पालिका प्रशासनाची असल्याचे त्यांनी म्हटलं आहे. शहराच्या पश्‍चिम भागाला अशुद्ध, अपुरा, कमी दाबाने पाणीपुरवठा होत असेल तर ते अत्यंत क्लेशदायी आहे. नागरिकांच्या भावनांशी व जिवाशी खेळण्याचा प्रकार सहन करून घेतला जाणार नाही असेही त्यांनी पत्रकात नमूद केले आहे.

mp udayanraje bhosale, satara, satara water cut news
Saam Tv Exclusive : काेकणातील हापूस की कर्नाटकी ? आंबा खरेदीपुर्वी असं ओळखा (पाहा व्हिडिओ)

पाणीपुरवठ्याच्या वितरण पद्धतीत अधिकारी आणि कर्मचाऱ्यांनी तातडीने सुधारणा करावी. ज्यांना काम जमत नसेल तर त्यांनी तातडीने आपली बदली करून घ्यावी असेही उदयनराजेंनी त्यांच्या म्हटलं आहे.

शहराच्या पश्‍चिम भागात गेल्या तीन महिन्यांपासून रामाचा गोट, मंगळवार पेठ भागात दूषित पाणीपुरवठ्याबाबत सातारा विकास आघाडीने प्रशासनाला सूचनाही केल्या होत्या. परंतु प्रशासन गेंड्याची कातडी पांघरून बसले असेल तर अशा अधिकाऱ्यांना व कर्मचाऱ्यांना वठणीवर आणायला वेळ लागणार नाही असे राजेंनी त्यांच्या पत्रकात नमूद केले आहे.

mp udayanraje bhosale, satara, satara water cut news
Kolhapur News : बिहारची 63 मुलं कोल्हापूरात, आज-याला निघालेला ट्रक फिल्मी स्टाईलने पाेलीसांनी घेतला ताब्यात (पाहा व्हिडिओ)

स्वच्छ व शुद्ध पाणीपुरवठा हा नागरिकांचा हक्क आहे. कास धरणाची उंची वाढवण्यात आली आहे, धरणापासून नवीन अतिरिक्त जलवाहिनीदेखील मंजूर करण्यात आली आहे. पश्‍चिम भागातील पाणीपुरवठ्याबाबत माहिती घेतली असता फिल्टर केलेले पाणी सोडण्याऐवजी डेड स्टॉकमधील पाणी संबंधित कर्मचाऱ्यांनी सोडल्याने निदर्शनास आले आहे.

mp udayanraje bhosale, satara, satara water cut news
Police Bharti चा निकाल लागला अन् अख्ख गाव नाच नाच नाचलं, पहिल्यांदाच गावातील युवक बनला पाेलीस

त्यामुळे संबंधित कर्मचाऱ्यांना तातडीने निलंबित करा अशी मागणी उदयनराजेंनी केली आहे. पाणीपुरवठ्याच्या वितरण पद्धतीत अधिकारी आणि कर्मचारी यांनी तातडीने सुधारणा करावी. ज्यांना काम जमत नसेल तर त्यांनी तातडीने आपली बदली करून घ्यावी. शहराच्या पश्‍चिम भागातील अपुरा व शुद्ध पाणीपुरवठा तत्काळ थांबवा. शुद्ध आणि अधिक दाबाने पाणी द्या, असेही राजेंनी म्हटले आहे.

Edited By : Siddharth Latkar

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com