Maharashtra Politics : भाजप खासदार उदयनराजे भोसलेंच्या 6 मागण्या; अमित शहांचं मौन, रायगडावर नेमकं काय घडलं? पाहा व्हिडिओ

ठिकाण- रायगड

निमित्त- छत्रपती शिवाजी महाराजांच्या 345 व्या पुण्यतिथीचा कार्यक्रम....

या कार्यक्रमासाठी आलेल्या अमित शाहांसमोरच छत्रपती शिवरायांचा अवमान करणाऱ्यांना 10 वर्षांच्या शिक्षेची तरतूद करण्याची मागणी उदयनराजेंनी केलीय..

राज्यात छत्रपती शिवाजी महाराजांचा अवमान करण्याची जणूकाही स्पर्धाच लागलीय... आधी माजी राज्यपाल भगतसिंह कोश्यारी, त्यानंतर राहुल सोलापूरकर पुढे प्रशांत कोरटकर ही यादी मोठी आहे... त्यामुळेच छत्रपतींचा अवमान रोखण्यासाठी आणि त्यांच्या कार्याचा गौरव करण्याबाबत उदयनराजेंनी अमित शाहांसमोर 6 मागण्या मांडल्या.

उदयनराजेंच्या मागण्या, शहांचं मौन

महापुरुषांच्या अवमानावर अजामीनपात्र गुन्ह्यासह 10 वर्षांच्या शिक्षेचा कायदा करा

छत्रपती शिवरायांचा शासनमान्य इतिहास प्रकाशित करा

सिनेमॅटिक लिबर्टीबाबत सेन्सॉर बोर्डाची स्थापना करा

रामायण, बुद्धसर्किट प्रमाणे शिवस्वराज्य सर्किट निर्माण करा

छत्रपती शिवाजी महाराजांचं दिल्लीत स्मारक करावं

राज्यपालांच्या बंगल्याच्या ठिकाणी शिवस्मारक करा

उदयनराजेंनी अमित शाहांसमोर मागण्या केल्या खऱ्या.... पण या मागण्यांवर अमित शाहांनी सपशेल मौन बाळगलंय..तर या कार्यक्रमाला उपस्थित असलेल्या मुख्यमंत्री देवेंद्र फडणवीसांनी मात्र मागण्यांच्या पूर्ततेचं आश्वासन दिलंय.

उदयनराजेंनी याआधीही छत्रपती शिवरायांचा अवमान करणाऱ्यांविरोधात कायदा करण्याची मागणी केली होती.. उदयनराजेंनी त्याच मागणीचा रायगडावरुन पुनरुच्चार केला... मात्र शाहांनी मौन बाळगल्याने उदयनराजेंच्या मागण्या केंद्रीय पातळीवर मान्य केल्या जाणार की त्याकडेही दुर्लक्ष केलं जाणार? याकडे लक्ष लागलंय..