Udayanraje Bhosale Exclusive : साताऱ्यातून उमेदवारी मिळताच उदयनराजेंची पहिली प्रतिक्रिया, दंड थोपटले!

Satara Constituency : भाजपने आजवर राज्यासह देशात विविध विकासकामे केली आहे. केंद्रात आणि राज्यात आता भाजपचं खंबीर सरकार आहे, असं देखील उदयनराजेंनी ठामपणे सांगितलं आहे.
Udayanraje Bhosale
Udayanraje BhosaleSaam tv

मी पहिल्यापासूनच छत्रपती शिवाजी महाराजांची सर्व धर्म समभाव ही संकल्पना राबवली. तोच विचार मनाशी बाळगून गेली ३० वर्षे मी जनतेची सेवा करत आहे. त्यामुळे तरुणांचे आणि सामान्य जनतेचे मला आजवर भरभरून आशिर्वाद मिळालेत, अशा शब्दांत उदयन राजेंनी उमेदवारी जाहीर झाल्यावर आपली पहिली प्रतिक्रिया दिली आहे.

Udayanraje Bhosale
Udayanraje Bhosale : शरद पवार साेमवारी साता-यात येणार आहेत? मी बोलण्यापेक्षा सर्वसामान्यांना विचारा असं का म्हणाले उदयनराजे भाेसले

गेल्या काही दिवसांपासून उदयन राजे अजित पवार गटातून घड्याळ चिन्हावर निवडणूक लढतील अशी चर्चा सुरू होती. माध्यमांशी संवाद साधताना उदयनराजेंनी यावर देखील प्रतिक्रिया दिलीये. मी पहिल्यांदाच सांगितलं होतं साताऱ्यातून मला उमेदवारी मिळणार. त्यामुळे आता कोण काय बोलतं, याचा विचार करू नये. अनेकांना वाटलं की उदयन राजेंनी आपल्या पक्षात यावं आणि निवडणूक लढवावी, त्यांना तसं वाटणं सहाजीकच आहे. मात्र मी माझ्या निर्णयावर ठाम होतो.

राज्यात पंतप्रधान नरेंद्र मोदींच्या नेतृत्वाखाली छत्रपती शिवाजी महाराजांचे विचार जास्तीत जास्त राबवले गेलेत. भाजपने आजवर राज्यात देशात विविध विकासकामे केली आहेत. केंद्रात आणि राज्यात आता भाजपचं खंबीर सरकार आहे, असं देखील उदयनराजेंनी ठामपणे सांगितलं आहे.

साताऱ्यातून उदयनराजे भोसले यांना उमेदवारी जाहीर झाली आहे. पहिल्या आणि दुसऱ्या यादीमध्ये त्यांचं नाव नव्हतं त्यामुळे अनेक चर्चांना उधाण आलं होतं. मात्र साताऱ्यातून मलाच उमेदवारी मिळणार असा दाव उदयनराजेंनी अनेक वेळा केला. त्यानंतर त्यांनी काही दिवसांपूर्वी दिल्ली वारी केली. आज अखेर उदयनराजेंचा दावा खरा ठरला असून त्यांना उमेदवारी जाहीर झाली आहे.

Udayanraje Bhosale
Pune Cyber Crime: CBI चौकशीची भिती दाखवून डॉक्टरला घातला ३० लाखांचा गंडा; पुण्यातील धक्कादायक घटना!

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com