Wardha Accident News : वेगवान कार झाडावर आदळली; जीवलग मित्रांनी गमावला जीव

- चेतन व्यास

Wardha News : भरधाव वेगात असलेल्या कारवरून चालकाचा नियंत्रण सुटल्याने कार थेट रस्त्याच्या कडेला झाडाला जाऊन धडकली. ही धडक इतकी भीषण होती की कारमधील दोघांचा जागीच मृत्यू झाला. हा अपघात आमला (amla village near wardha) गावानजीक झाला. अक्षय कावलेकर (३२ रा. वायफड), नामदार पठाण (३३ रा. दहेगाव मिस्कीन) अशी अपघातात मृत्यू झालेल्यांची नावे असल्याची माहिती सावंगी पोलिसांनी (sawangi police) दिली. (Maharashtra News)

अक्षय कावलेकर आणि नामदार पठाण हे दोघेही मित्र होते. कारने दोघही आमला गावातून बसस्थानकासमोरील रस्त्याने जाण्यास निघाले. अक्षय कावलेकर हा कार चालवित होता. मात्र, भरधाव कारच्या स्टेअरिंगवरुन त्याचे नियंत्रण सुटल्याने कार थेट रस्त्याकडेला खाली उतरुन समोरील झाडावर जाऊन धडकली. हा अपघात इतका भीषण होता की कारचा चेंदामेंदा झाला. तर कारमधील दोघांचाही जागीच मृत्यू झाला.

हा अपघात झाल्याचे लक्षात येताच आमला गावातील नागरिकांनी घटनास्थळी धाव घेतली. त्यांनी दाेघांना कारबाहेर काढण्याचा प्रयत्न केला. परंतु दाेघांचीही मृत्यू झाला हाेता. या घटनेची माहिती सावंगी पोलिसांना मिळताच पोलिस निरीक्षक धनाजी जळक यांनी कर्मचाऱ्यांसह अपघातस्थळी भेट देत पंचनामा करुन दोघांचेही मृतदेह उत्तरिय तपासणीसाठी सावंगी रुग्णालयात पाठविले.

Edited By : Siddharth Latkar