Aurangabad Accident : औरंगाबाद पुणे महामार्गावर अपघात; दाेन जीवलग मित्र मृत्यूमुखी

- नवनीत तपाडिया

औरंगाबाद : गंगापूर आणि मांजरी गावातील दाेन जिवलग मित्रांचा आज (बुधवार) अपघात झाला. या अपघातात (accident) दाेघांचाही मृत्यू झाल्याने गंगापूर आणि मांजरी गावात शाेककळा पसरली आहे. या दुर्घटनेपुर्वी दाेन्ही मित्र (friends) काॅलेजला (college) निघाले हाेते. त्यांच्या माेटार सायकलची आणि ट्रकची धडक झाल्याने दाेघांचा दुर्देवी मृत्यू झाला (Aurangabad Accident News)

या घटनेबाबतची अधिक माहिती अशी : औरंगाबाद पुणे महामार्गावरील (aurangabad pune highway) भेंडाळाफाट्याजवळून आदित्य सुंब आणि यश शेंगुळे हे दाेघे मोटार सायकलवरून औरंगाबादला महाविद्यालयात जात असताना नाशिकहून हैद्राबादला जाणाऱ्या ट्रकशी त्यांची धडक झाली.

या घटनेची माहिती मिळताच पोलिस घटनास्थळी पाेहचले. त्यांनी रुग्णवाहिकेत चालक सागर शेजवळ व नागरिकांच्या मदतीने दोघांचे मृतदेह गंगापूर उपजिल्हा रुग्णालयात पाठवुन दिले. तसेच अपघातग्रस्त ट्रक बसस्थानक परिसरात नेला.

Edited By : Siddharth Latkar