Leopard Attack : धक्कादायक! सरपणासाठी गेल्या परत आल्याचं नाहीत, बिबट्याच्या हल्ल्यात दोन महिलांचा मृत्यू

गडचिरोलीतून धक्कादायक घटना समोर आली आहे. शेतात काम करणाऱ्या दोन महिलांवर बिबट्याने हल्ला केला आहे. या हल्ल्यात दोन्ही महिलांचा जागीच मृत्यू झाला आहे. या घटनेने गावात भीतीचे वातावरण पसरले असून गावकऱ्यांकडून वारंवार बिबट्याला जेरबंद करण्याची मागणी होत आहे. दरम्यान मृत झालेल्या महिलांच्या कुटुंबियांवर दुःखाचा डोंगर कोसळला आहे.

मिळालेल्या माहितीनुसार, सदर घटना ही गडचिरोलीतील देऊळगाव बुट्टी (आरमोरी) येथे घडली आहे. १९ नोव्हेंबर रोजी रात्री ८ वाजताच्या सुमारास सरपण गोळा करण्यासाठी गावालगतच्या जंगलात गेलेल्या दोन महिलांना वेगवेगळ्या दिवशी बिबट्याने हल्ला करून ठार केले. या घटनेत दोघींचा मृत्यू झाला आहे.

मुक्ताबाई नेवारे (वय, ७०) सरस्वती जिंदर वाघ (वय ८०) अशी बिबट्याच्या हल्ल्यात ठार झालेल्या महिलांची नावे आहेत. मुक्ताबाई नेवारे ह्या सकाळी गावापासून अर्धा किमी अंतरावरील जंगलात सरपण गोळा करण्यासाठी गेल्या असता बिबट्याने त्यांना ठार केले, तर अनुसया जिंदर वाघ ह्या १२ नोव्हेंबरपासून बेपत्ता होत्या. नातेवाईकांकडून त्यांचा शोध घेतला जात होता. अशातच गडचिरोली- आरमोरी राष्ट्रीय महामार्गालगतच्या कांडेश्वर पहाडीलगत मृत प्राण्यांचा उग्रवास येत होता.

गावातील नागरिकांनी शोधमोहीम राबवली असता रात्री ८ वाजेच्या सुमारास अनुसूया जिंदर वाघ यांचा मृतदेह कुजलेल्या अवस्थेत आढळला असून त्यांची फॉरेन्सिक तपासणी करण्यात येत आहे. तर परिसरातच मुक्ताबाई नेवारे या सुद्धा मृतावस्थेत आढळल्या. या घटनेची माहिती देऊळगावचे पोलिस पाटील मिथून कांदोळ यांनी आरमोरी पोलिसांना दिली. रात्री उशिरापर्यंत पंचनामा करण्यात आला.

गावकऱ्यांनी दिलेल्या माहितीप्रमाणे मागिल ८ ते १० दहा दिवसांपासून बिबट्याचा वावर देऊळगाव परिसरात दिसून येत होता व बिबट्याने गावातून काही कोंबड्यांना सुद्धा फर्स्ट केले होते अशी माहिती गावकऱ्यांनी दिलेली आहे. या बिबट्याचा तातडीने बंदोबस्त करण्यात यावा अशी मागणी गावकऱ्यांनी केलेली आहेत