दुर्दैवी : शतपावली करणाऱ्या दोन शिक्षिकांवर काळाचा घाला; भरधाव कारने दोघींना चिरडलं

अहमदनगर : संगमनेर (Sangamner) तालुक्यातील पुणे-नाशिक महामार्गावरील (Pune-Nashik Highway) बोटा गावाच्या शिवारातील बायपास रोड जवळ कारच्या अपघातात दोन महिला शिक्षकांचा मृत्यू झाल्याची दुर्दैवी घटना घडली आहे.

पायी चालत असणारी एक शिक्षिका महिला जागीच ठार झाली. तर दुसरी शिक्षिका महिला गंभीर जखमी झाली जखमी झालेल्या शिक्षिकेला आळेफाटा येथील खाजगी रुग्णालयात दाखल केले मात्र काही तासांनी त्यांचाही उपचारादरम्यान मृत्यू झाला सुनिता रामदास माकोडे, व नंदा रामनाथ पारधी असं मृत्यू झालेल्या शिक्षिकांची नाव आहे.

या दोन्ही शिक्षिका बायपास जवळ शतपावली करत असताना नाशिक- पुणे महामार्गाने संगमनेर कडून आळेफाटेच्या दिशेने भरधाव वेगाने जाणाऱ्या कारणे या दोन्ही शिक्षकांना जोराची धडक दिल्याने दोघीचाही मृत्यू झाला या घटनेने परिसरात हळहळ व्यक्त होत आहे.

Edited By - Jagdish Patil