रिधोरा धरण परिसरात दोन तरुणांचा पाण्यात बुडून मृत्यू, दोघांचा जीव वाचला, नेमकं काय घडलं?

चेतन व्यास

वर्धा : जिल्ह्यातील सेलू तालुक्यात एक धक्कादायक घटना घडल्यानं एकच खळबळ उडाली आहे. रिधोरा धरणाच्या घोगरा परिसरात दोन तुरुणांचा पाण्यात बुडून दुर्देवी मृत्यू झाला आहे. पंजाब कॉलनीत राहणारा सौरभ भारस्कर (३०) आणि शिक्षक कॉलनीत राहणारा विकास नवघरे (३०) अशी मृतांची नावं आहेत. या दुर्देवी घटनेमुळं संपूर्ण परिसरात शोक व्यक्त केला जात आहे. घटनेची माहिती मिळताच सेलू पोलिसांनी घटनास्थळी धाव घेवून पंचनामा करून मृतदेह शवविच्छेदनासाठी रुग्णालयात पाठवले. (Wardha latest News Update)

मिळालेल्या माहितीनुसार, रिधोरा धरण परिसरात चार मित्र फिरायला गेले होते. हे चौघेजण पोहण्यासाठी पाण्यात उतरले असता एक जण बुडत होता. त्याला वाचवण्यासाठी तिघांनी पाण्यात उडी मारली. त्यानंतर चौघेही पाण्यात बुडत असल्याचे लक्षात येताच स्थानिकांनी धाव घेतली. नागरिकांना दोघांना वाचविण्यात यश आले. परंतु , दोघांचा पाण्यात बुडूत दुर्देवी मृत्यू झाला.