Akola : पातुर च्या धामणदरी तलावात बुडून दोन अल्पवयीन मुलांचा मृत्यू!

अकोला : अकोल्यातील पातुरच्या धामणदरी तलावात पोहण्यासाठी गेलेल्या दोन अल्पवयीन मुलांचा आज बुडून मृत्यू झाला. स्थानिक मच्छीमारांच्या मदतीने मृतदेह बाहेर काढण्यात पोलिसांना यश आले. पातुर विश्रामगृहाच्या मागे असलेल्या शेतशिवार क्र-२ या परिसरात धामणदरी तलाव आहे. या तलावात पोहण्यासाठी पाच अल्पवयीन मुले गेली होती. त्या पैकी दोन मुले पोहण्यासाठी पाण्यात उतरली. मात्र, खोल पाण्याचा अंदाज न आल्यामुळे ती बुडाली.

हे देखील पहा :

मृत पावलेल्या मुलांची नावे, शेख दानिश अस्लम (वय १५ वर्षे), शेख समिर रईस अशी असून दोघेही साळणीपूरा पातूर येथील रहिवासी आहेत. त्यांचे मृतदेह स्थानिक मच्छीमार देविदास श्रीनाथ यांच्या मदतीने तलावाबाहेर काढण्यात पातूर प्रशासनाला यश प्राप्त झाले आहे. वाचलेल्या तीन मुलांनी सदर घटनाक्रम प्रशासनासमोर कथन केला.

घटनेची माहिती मिळताच पोलिस निरीक्षक हरीश गवळी ताफ्यासह तथा नैसर्गिक आपत्ती व्यवस्थापन सामग्री सह नायब तहसिलदार सय्यद ऐहसानोद्दिन, तलाठी पठाण, पोलीस विभागाचे भवाने तथा मेजर पवार घटना स्थळी होते. दोन्ही मृतदेह उत्तरीय तपासणीसाठी पाठविण्यात आले आहेत.

Edited By : Krushnarav Sathe