नव्या हिट अँड रन कायद्याच्या (New Hit And Run Law) विराेधात आजही (मंगळवार) राज्यभरात ट्रक चालकांचा संप (truck driver strike) सुरु आहे. यामुळे राज्यातील अनेक जिल्ह्यात इंधनाचा तुटवडा निर्माण हाेईल अशी भीती व्यक्त केली गेली. काेकणात देखील पर्यटक इंधनासाठी पेट्राेल पंपावर वाहनांच्या रांगा लावून हाेते. (Maharashtra News)
टँकर चालकांच्या संपामुळे रत्नागिरीत डिझेल आणि पेट्रोलचा तुटवडा पेट्रोल व डिझेल भरण्यासाठी मोठ्या प्रमाणात पेट्रोल पंपावर वाहन चालकांची गर्दी असल्याचे चित्र पाहायला मिळाले. यामुळे वाहनांच्या लांबच लाब रांगा पेट्रोल पंपावर हाेत्या.
बहुतांश ठिकाणी वाहनचालक हे रांगेत उभे राहून दुचाकी आणि चार चाकीत पेट्रोल आणि डिझेल भरताना दिसत हाेते. या संपाचा सर्वाधिक फटका हा कोकणात आलेल्या पर्यटकांना बसला. तासमतास रांगेत उभे राहून त्यांना पेट्रोल आणि डिझेल भरावे लागले.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
पुण्याहून गाेव्याला गेलेल्या पर्यटकांनी काेकणातील त्यांचे पुढचे प्लॅन रद्द केल्याची माहिती साम टीव्हीशी बाेलताना दिली. पर्यटक म्हणाले इंधन भरण्यातच जादा वेळ गेला आहे. त्यामुळे पुढचा सगळा प्लॅन ठप्प झाला आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
