Vegetable Price Hike : मुसळधार पावसामुळे भाजीपाल्याचे दर कडाडले; टोमॅटोचा भाव १०० रुपये किलो, वांगीही महागली

राज्यात गेल्या काही दिवसांपासून चांगला पाऊस पडत आहे. या पावसामुळे शेतकऱ्यांना मात्र आनंद झाला आहे. परभणी बाजारपेठेत टॉमेटोचे भाव प्रति किलो ८० ते १०० रुपयांना विकले जात आहे. यामुळे शेतकऱ्यांना दिलासा मिळाला आहे. मात्र, सर्वसामान्य नागरिकांच्या खिशाला फटका बसला आहे.

टॉमेटोच्या दरात सातत्याने वाढ होत असल्याने टॉमेटो उत्पादक शेतकऱ्यांना सुगीचे दिवस आले आहे. सर्वसामान्य नागरिकांच्या घरात टॉमेटो हा वापरलाच जातो. टॉमेटोचे भाव वाढल्याने गोरगरीब ग्राहकांच्या खिशाला मात्र कात्री बसत आहे. त्यामुळे टॉमेटो खरेदी करावा की नाही असा प्रश्न ग्राहकांना पडत आहे.

टॉमेटोसोबतच इतर अनेक पालेभाज्यांचे दर वाढले आहे. त्यामुळे सर्वसामान्य नागरिकांचे बजेट कोलमडले आहे. भाजीपाल्यांचे दर वाढले असले तरीही त्याचा थेट फायदा शेतकऱ्यांना होच नसल्याचे दिसत आहे. दलाल आणि विक्रेत्यांना या भाववाढीचा फायदा होत आहे.

भाजीपाल्यांचे दर

बाजारात मिरची ८० रुपये प्रति किलो विकली जात आहे. तर वांगी ७० आणि दोडके ५० रुपयांना विकले जात आहे. पालक-शेपू २५ रुपये प्रति जुडी विकली जात आहे. गवार ७० रुपये किलो तर भेंडी ६० रुपये प्रति किलो विकली जात आहे. बटाटा ७० रुपये किलो तर काकडी ६० रुपये प्रति किलो विकले जात आहे.