Today Winter Temprature : राज्यात थंडी ओसरली! कमाल तापमानात वाढ; कसं असेल आजच हवामान?

राज्यात थंडीची लाट ओसरली आहे. पुढील काही दिवस राज्याच्या किमान तापमानातील घट कायम राहणार असल्याचा अंदाज हवामान विभागाने वर्तवला आहे. आज राज्यात कमाल तापमानातील चढ-उतार सुरूच राहणार असून निफाड आणि धुळ्यात तापमानाचा पारा ६ अंश सेल्सियसच्या खाली गेला आहे. वातावरणात होणाऱ्या सततच्या बदलांमुळे नागरिक देखील हैराण झाले आहेत.

काल म्हणजेच सोमवारी निफाड येथे ५.५ अंश सेल्सिअस तापमानाची नोंद झाली. धुळ्यात ५.८ अंश सेल्सिअस, परभणीत ६.२ अंश सेल्सिअस तापमानाची नोंद झाली. तर अहिल्यानगर आणि गोंदिया येथे पारा ८ अंशाच्या खाली आहे. पुणे, मालेगाव, गोंदिया येथे ९ अंशांपेक्षा कमी, जळगाव, ‎‎‎‎नाशिक, ‎नागपूर, ‎यवतमाळ येथे १० अंशापेक्षा कमी तापमानाची नोंद झाली.

आज तापमानात चढ उतार होत असून राज्यातील थंडीची लाट काहीशी ओसरणार असल्याची शक्यता हवामान विभागाने दिला आहे. असे असले तरी काही प्रमाणात थंडीचा कडाका कायम राहणार आहे. पुढील दोन दिवस काही ठिकाणी किमान तापमानात २ ते ३ अंशांची घट होण्याचा अंदाज आहे.

कोणत्या जिल्ह्यात कसं असेल हवामान ?

• अहिल्यानगर: ७.३

• पुणे: ८.६

• जळगाव: ९.५

• कोल्हापूर: १५.३

• महाबळेश्वर: १२.१

• मालेगाव: ८.४

• नाशिक: ८.८

• सांगली: १३.०

• सातारा: ११.२

• सोलापूर: १४.१

• छत्रपती संभाजीनगर: १०.५

• परभणी: १०.६

• अकोला: १०.९

• अमरावती: १०.८

• बुलढाणा: १२.६

• गोंदिया: ८.४

• नागपूर: ९.२

• वर्धा: ११.४

• यवतमाळ: ९.६