Chhatrapati Sambhajinagar Crime News : कोऱ्हाळे फाट्यानजीक अपघातात गाडीचा चक्काचूर, तहसील कार्यालयातील तिघे जखमी

- Ramu Dhakne

Chhatrapati Sambhajinagar News :

कार्यालयीन कामकाज संपवून सिल्लाेडला (sillod) निघालेल्या शासकीय वाहनाचा झालेल्या अपघातात तहसिल कार्यालयातील तिघे कर्मचारी गंभीर जखमी झाल्याची घटना छत्रपती संभाजीनगर (sambhajinagar accident news) जिल्ह्यात घडली. या घटनेतील जखमी झालेल्यांना सिल्लाेड येथील खाजगी रुग्णालयात उपचार सुरु आहेत. (Maharashtra News)

या अपघाताबाबत मिळालेली प्राथमिक माहिती अशी : छत्रपती संभाजीनगर सिल्लोड मार्गावर केऱ्हाळा फाटा जवळील पेट्रोल पंप समोर हा अपघात झाला. तहसील कार्यालयाचे वाहन एका उभ्या असलेल्या वाहतुकीच्या वाहनास धडकले. यामध्ये तिघेजण जखमी झाले.

या तिघांना सिल्लोड येथील खाजगी रुग्णालयात उपचारार्थ दाखल करण्यात आले. या घटनेत वाहन चालक कयूम देशमुख, कोतवाल राजीव बसेय्या आणि वसीम शेख अशी जखमी झालेल्या कर्मचाऱ्यांची नावे आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

हे तिघे जण कार्यालयीन कामकाज आटोपून छत्रपती संभाजीनगरकडून सिल्लोडकडे येत होते. यादरम्यान उभे असलेल्या वाहनास पाठीमागून त्यांचे वाहन धडकल्याने जीपच्या पुढील भागाचा अक्षरशः चुराडा झाला. सुदैवाने या घटनेत कुठलीही जीवित हानी झाली नाही. पाेलिस या घटनेचा तपास करीत आहेत.

Edited By : Siddharth Latkar