पैशाच्या हव्यासापोटी पोटच्या मुलाने केला पित्याचा खून...

बीड - बँकेतील Bank पैशाच्या Money हव्यासापोटी, पोटच्या मुलानेच पित्याला जबर मारहाण करून खून केला आहे. तर चुलतभावाच्या मदतीने अंत्यविधी करुन, पुरावा देखील नष्ट केल्याची धक्कादायक घटना,बीडच्या Beed पाटोदा तालुक्यातील पारनेर येथे घडली आहे. मात्र निनावी फोनने याचे बिंग फुटले आहे. चौसाळा येथील मुलाने जन्मदात्या आईला मारल्याची घटना ताजी असताना, आता पुन्हा हा प्रकार समोर आल्यानं खळबळ उडाली आहे.

हे देखील पहा -

महादेव औटे वय 55 वर्ष रा. पारनेर असं मयत पित्याचं नाव आहे. तर योगेश महादेव औटे असं नराधम, क्रूरकर्मा असणाऱ्या आरोपी मुलाचे नाव आहे.दि. 23 ऑगस्ट रोजी या धक्कादायक घटनेला नराधम योगेशनं अंजाम दिला आहे. तर पित्याचा मृत्यू झाल्यानंतर भाऊ गणेश महादेव औटे, विष्णु बलभिम औटे, वाल्मिकी बलभिम औटे, परमेश्वर बलभिम औटे यांनी संगणमत करुन पार्थिवावर अंत्यसंस्कार करुन पुरावा नष्ट केला. मात्र सौताडा बीटचे अमलदार आदिनाथ तांदळे, यांना एक निनावी फोन आल्यानंतर हे बिंग फुटले असून या घटनेला वाचा फुटलीय.

दरम्यान या प्रकरणी पाचही आरोपींना अटक करण्यात आली असून पोलिस हवालदार आदिनाथ तांदळे यांच्या फिर्यादीवरून, पाटोदा पोलिस ठाण्यात कलम 302, 201, 34 अ नुसार गुन्हा दाखल करण्यात आला आहे.

Edited By - Shivani Tichkule