Corona Update: सावधान! नाशकातील वाढती रुग्णसंख्या ही धोक्याची घंटा

नाशिक - शहरातील वाढती कोरोनाबधित (Corona) रुग्णांची संख्या ही धोक्याची घंटा असून रुग्णसंख्या आणखी वाढत गेली, तर निर्बंध आणखी कडक करावे लागतील, अशी माहिती नाशिकचे पालिका आयुक्त कैलास जाधव (Kailas Jadhav) यांनी दिली आहे. तर या वाढत्या रूग्णसंख्येच्या पार्श्वभूमीवर शाळा (School) सुरू ठेवायच्या की बंद? याबाबतचा निर्णय कोरोना आढावा बैठकीत सर्वानुमते घेतला जाणार असल्याचंही आयुक्त कैलास जाधव यांनी स्पष्ट केले आहे. (Nashik Corona Latest Update)

हे देखील पहा -

मागील 10 दिवसात नाशिक (Nashik) शहरात ऍक्टिव्ह रुग्णांची संख्या पाचशेने वाढली आहे. वाढती रुग्णसंख्या नाशिककरांसाठी धोक्याची घंटा आहे. त्यामुळे नागरिकांनी नियमांचे पालन करण्याचे आवाहन महापालिका प्रशासनाकडून करण्यात येत आहे.

तर शहरातली सभागृह, मंगल कार्यालय आणि लॉन्स पालिकेच्या रडारवर असून मर्यादेपेक्षा जास्त लोकांची गर्दी आढळल्यास तसंच नागरिकांनी कोरोना नियमांचं पालन न केल्यास कठोर कारवाईचा तसंच वेळप्रसंगी मंगल कार्यालय आणि लॉन्स सील करण्याचा इशाराही पालिका आयुक्तांकडून देण्यात आला आहे.

Edited By - Shivani Tichkule