Chhatrapati Sambhaji Nagar: एमआयडीसीच्या अक्षम्य चुकीचा भुर्दंड राज्यभरातील उद्योजकांना पडणार; नेमकं करण काय?

Chhatrapati Sambhaji Nagar News: सहा वर्षांपासूनचा जीएसटी व्याजासह भरा अशा नोटिसा एमआयडीसीने उद्योजकांना दिल्यानं औद्योगिक क्षेत्रात खळबळ उडाली आहे. एमआयडीसीच्या अक्षम्य चुकीचा भुर्दंड राज्यभरातील उद्योजकांना पडणार आहे. एमआयडीसीच्या या चुकीमुळे राज्यातील ५७ हजार २४ उद्योगांना १ जुलै २०१७ ते ४ सप्टेबर २०२२ दरम्यान ५ वर्षांतील अतिरिक्त जीएसटी एकरकमी व्याजासह भरावा लागेल. (Latest Marathi News)

विशेष म्हणजे चालू वर्षांच्या पाणी कराच्या बिलासोबत तो आकारण्यात आल्याने एमआयडीसीच्या (MIDC) प्लॉट्सवर भाडेकराराने उद्योग करणाऱ्यांना मोठा भुर्दंड बसणार आहे. केंद्रीय जीएडीच्या इंटेलिजन्स पथकाच्या मुंबई (Mumbai) झोनच्या पथकाने नोव्हेंबर २०२२ रोजी केलेल्या पाहणीत ही त्रुटी आढळून आली होती.

त्यानंतर उद्योजकांना हा अतिरिक्त जीएसटी (GST) व्याजासह भरण्याचे आदेश देण्यात आले. एमआयडीसीने आता त्यांच्या वसाहतीत भाडेपट्ट्यावर असलेल्या उद्योगांकडून ही वसुली सुरू केली. विशेष म्हणजे या वसुलीत ना हप्ते पाडून देण्यात आले ना उद्योजकांना पुढे दाद मागण्यासाठी सवलत दिली.

१ जुलै २०१७ ते ४ सप्टेंबर २०२२ या कालावधीत घेतलेल्या विविध सेवांवरील जीएसटी विलंब शुल्कासह भरण्याच्या नोटिसा एमआयडीसीने उद्योजकांना पाठवल्या आहेत. एमआयडीसीने जेव्हाच्या तेव्हा जीएसटीची वसुली केली नाही, यामुळे मागील सहा वर्षांचा जीएसटी व्याजासह भरावा लागणार आहे.