ठाणे : सध्या राज्यात राजकीय समीकरण बदलताना पाहायला मिळत आहेत. गेल्या दोन दिवसांपासून (Thane) राजकीय गदारोळ सुरू आहे. राजकारणातील हे डावपेच पाहून आता सर्वसामान्य कार्यकर्ते आणि नागरिक हतबल झाल्याचे पाहायला मिळत आहे. या सुरू असलेल्या राजकीय गदारोळपासून सुटका करण्यासाठी ठाण्यातील (Shiv Sena) शिवसेना आणि मनसे (MNS) कार्यकर्त्यांनी मिळून एक बॅनर लावला आहे. यातून साहेब आतातरी एकत्र या..अशी आर्त हाक शिवसेना ठाकरे व मनसे कार्यकर्त्यांनी दिली आहे. (Tajya Batmya)
ठाण्यातील मनसे सैनिक प्रवीण वेलोसे आणि ठाकरे गटाचे शिवसैनिक प्रदीप उतेकर यांनी हा बॅनर लावला आहे. ठाण्यातील नौपाडा परिसरातील घंटाळी येथील तीन पेट्रोल पंप परिसरात हा बॅनर लावण्यात आला आहे. या बॅनरवर हिंदुहृदयसम्राट बाळासाहेब ठाकरे, शिवसेना पक्षप्रमुख उद्धव ठाकरे आणि मनसे अध्यक्ष राज ठाकरे यांचा एकत्रित फोटो लावले आहेत.
बॅनरवर असा आहे मजकूर
साहेब आता तरी एकत्र या..अशी हाक दिली आहे. महाराष्ट्राला तुमची खूप गरज आहे.. बाळासाहेबांचं स्वप्न पूर्ण करण्याची हीच वेळ आहे. आम्हाला महाराष्ट्रात फक्त आणि फक्त ठाकरे सरकार पाहिजे..साहेब.. एकत्र या.. एकत्र या.. एकत्र या.. अशा आशयाचा हा बॅनर आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
