Malshej Ghat Accident: मोठी बातमी! माळशेज घाटात भीषण अपघात; पती पत्नीसह चौघांचा मृत्यू

पराग जगताप, ठाणे| ता. ४ मे २०२४

गेल्या काही दिवसांपासून अपघातांचे सत्र सुरू आहे. काल दुपारी माळशेज घाटात भीषण अपघाताची घटना समोर आली आहे. माळशेज घाटामध्ये दुधाचा टँकर आणि मालवाहू टँकरमध्ये भीषण अपघात झाला. यामध्ये चार जणांचा जागीच मृत्यू झाल्याचे सांगण्यात येत आहे. मृतांमध्ये पती पत्नीचा समावेश आहे.

याबाबत सविस्तर माहिती अशी की, मुरबाड तालुक्यातील माळशेज घाटात भीषण अपघाताची घटना समोर आली आहे. माळशेज घाटातील आवळ्यााची वाडीजवळ दुधाचा टँकर आणि मालवाहू ट्रकमध्ये समोरासमोर धडक होऊन ही मोठी दुर्घटना घडली. या अपघातात पती पत्नीसह चौघांचा मृत्यू झाला.

जुन्नर तालुक्यातील पांगरी गावचे रहिवासी असलेले पती पत्नी आणि त्यांचा तीन वर्षांचा मुलगा यावेळी प्रवास करत होते. अपघातात पती पत्नीचा जागीच मृत्यू झाला तर त्यांचा तीन वर्षांचा मुलगा वाचला. तसेच दुधाचा टँकर आणि मालवाहू ट्रकच्या टँकरचाही या अपघातात दुर्दैवी मृत्यू झाला. या दुर्दैवी घटनेने परिसरात हळहळ व्यक्त होत आहे. पोलीस या अपघाताचा अधिक तपास करत आहेत.

दरम्यान, काल अकोल्यामध्येही भीषण अपघाताची घटना घडली होती. अकोल्याचे शिक्षक आमदार किरण सरनाईक यांच्या भावाच्या कारला भीषण अपघात झाला. अकोला जिल्ह्यातल्या पातूर शहराजवळ दोन कारची समोरा समोर धडक होऊन ही दुर्घटना घडली. या अपघातामध्ये ६ जणांचा जागीच मृत्यू झाला.