Maharashtra Politics :'समृद्धीच्या टक्केवारीतून पक्ष बनत नाही, तर...'; संजय राऊत यांची मुख्यमंत्र्यांवर जोरदार टीका

Sanjay Raut News : ठाकरे गटाचे खासदार संजय राऊत यांचा शिंदे गटावर जोरदार हल्लाबोल सुरूच आहे. संजय राऊत सध्या नाशिक दौऱ्यावर असून या दौऱ्यात मुख्यमंत्री एकनाथ शिंदे आणि शिंदे गटावर जोरदार टीका केली आहे. (Latest Marathi News)

'समृद्धीच्या टक्केवारीतून पक्ष बनत नाही. पक्ष हा रक्त घामातून बनतो, अशा शब्दात खासदार संजय राऊत यांनी मुख्यमंत्री एकनाथ शिंदे यांच्यावर जोरदार टीका केली आहे.

'शिंदे गटाला कचरा गोळा करायची सवय आहे. कचऱ्यासमोर मुख्यमंत्री शिंदे भाषण करतात. शिंदे गटात गेलेले सगळे चोर लफंगे आणि कचरा आहे. त्याला आग लागते आणि धूर निघतो', अशी बोचरी टीका संजय राऊत यांनी शिंदे गटावर केली.

संजय राऊत यांनी शिंदे गटासहित मुख्यंत्री एकनाथ शिंदे यांच्यावरही जोरदार हल्लाबोल केला. 'समृद्धीच्या टक्केवारीतून पक्ष बनत नाही. पक्ष हा रक्त घामातून बनतो. मुख्यमंत्र्यांनी बोलावे असे अनेक विषय आहेत. उत्तर प्रदेशचे मुख्यमंत्री योगी आदित्यनाथ हे पाच लाख कोटींची गुंतवणूक महाराष्ट्रातून नेतात. आमचं बिऱ्हाड जर्मनीला गुंतवणूक आणण्यासाठी जातात, अशी टीका संजय राऊत यांनी मुख्यमंत्र्यांवर केली.

सध्या नाशिकच्या दौऱ्यावर असलेल्या संजय राऊत यांनी नारायण राणे यांच्या टीकेचाही खरपूस समाचार घेतला. 'आज सकाळी मी नारायण राणेंना उत्तर दिल्या पासून त्यांनी माझी ओळख देण बंद केले. हे त्यांच्या प्रकृत्तीसाठी चांगलं. त्यांनी माझी ओळख काढण्याचा प्रयत्न केला, तर माझं नाव संजय राऊत आहे, असा सज्जड दम संजय राऊत यांनी नारायण राणे यांना सज्जड दम दिला.

'राणे तुम्ही गुंड, तर मी महागुंड, कुठे येवू, मी कुणालाही घाबरणार नाही. कुठल्याही एजंन्सीला घाबरत नाही, असेही संजय राऊत म्हणाले.