Car Fire : शिर्डीवरून परत जाताना कारला भयंकर आग, शिक्षकाचा होरपळून मृत्यू, दोन जण वाचले

teacher dies car fire : शिर्डीहून दर्शन घेऊन परतताना कारला आग लागून शिक्षकाचा होरपळून मृत्यू. अन्य दोघे बचावले, परंतु पोलिसांना घातपाताचा संशय आहे. उमरगा - हैदराबाद महामार्गावर दाबका गावाजवळ घटना घडली.
Teacher Burnt Alive in Dharashiv
Teacher Burnt Alive in DharashivSaam TV News
Published On

बालाजी सुरवसे, धाराशिव प्रतिनिधी

Teacher Burnt Alive in Dharashiv : शिर्डीवरून दर्शन घेऊन घरी परत जाताना काळाने घाला घातला. कारला अचानक आग लागल्यामुळे एका व्यक्तीचा होरपळून मृत्यू झाला आहे. या गाडीतून प्रवास करणारे अन्य दोघे जण सुखरूप बचावले आहेत. उमरगा -हैदराबाद राष्ट्रीय महामार्गावरील दाबका गावाजवळ ही घटना घडली. उमरगा पोलीस घटनास्थळी दाखल करण्यात आला आहे. एक जण मयत झाला, तर दोघेजण वाचल्यामुळे घातापाताचा पोलिसांना संशय व्यक्त करण्यात येत आहे. घटनेतून वाचलेल्या दोन्ही व्यक्ती उडवाउडवीची उत्तरे देत असल्याने संशय बळावला आहे.

कारला आग लागल्यामुळे एका व्यक्तीचा जळून मृत्यू झाला तर गाडीतील इतर दोघेजण सुखरूप वाचले. शिर्डी येथे साई बाबाचे दर्शन करून हैदराबादला परत जात असताना घटना घडल्याची माहिती मिळाली आहे. मयत व्यक्ती हैदराबाद येथील शिक्षक असल्याचं समोर आले आहे.

Teacher Burnt Alive in Dharashiv
Anil Chauhan : पाकिस्तानने भारताचे विमान पाडलं, CDS अनिल चौहान यांची कबुली

दाबका गावाजवळ घडलेल्या घटनेची माहिती मिळताच उमरगा पोलीस तात्काळ घटनास्थळी दाखल झाले. घटनास्थळावर पंचनामा केल्यानंतर मृतदेह पोस्टमार्टमसाठी पाठवण्यात आला आहे. त्याशिवाय दोघांना चौकशीसाठी पोलिसांनी ताब्यात घेतले आहे. देवदर्शनावरून घराकडे परत जात असताना कारने अचानक पेट घेतला, गाडीतील तिघांपैकी एका व्यक्तीला बाहेर पडता आले नाही, त्यामुळे त्याचा होरपळून मृत्यू झाला. तर अन्य दोघ वेळीच बाहेर पडल्याने वाचले, असे सांगण्यात येत आहे. पण पोलिसांना घातपाताचा संशय आहे.

Teacher Burnt Alive in Dharashiv
Bhandara Accident : विचित्र अपघात, ऑटोला दुचाकी धडकली, महामार्गावर पडलेल्या दोघांना कारने चिरडलं

आम्ही या प्रकरणाचा तपास सर्व बाजूंनी करत असल्याचे पोलिसांनी सांगितलेय. कार दुर्घटनेतून वाचलेल्या दोघांची कसून चौकशी करण्यात येत आहे. दोघांच्या उत्तरांमध्ये विसंगती आढळल्यास पुढील कायदेशीर कारवाई केली जाईल, असे उमरगा पोलिसांनी सांगितले. दरम्यान, दुर्घटनेनंतर मृतदेह शवविच्छेदनासाठी शासकीय रुग्णालयात पाठवण्यात आला आहे. मृत व्यक्तीची ओळख पटवण्याचे काम सुरू आहे. या आगीचे नेमके कारण पोलिसांकडून शोधण्यात येत आहे.

Teacher Burnt Alive in Dharashiv
Nursing College Scandal : नाशिक हादरलं! छातीवर, पाठीवर हात फिरवला अन्...प्राचार्याने ४ मुलींचा केला विनयभंग

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com