लाच घेताना तलाठी सापडला; अप्पर तहसिलदार मात्र झाला फरारी

सांगली : माती वाहतूक करणाऱ्या वाहनावर कारवाई न करणे व सोडण्यासाठी सांगलीच्या Sangli जत तालुक्यातील संख येथील अप्पर तहसिलदार हणमंत म्हेत्रे यांच्या सांगण्यावरून दोन लाख 30 हजारांची लाच Bribe स्वीकारताना माडग्याळचे तलाटी विशाल विष्णू उदगिरे याला सांगलीच्या लाचलुचपत प्रतिबंधक विभागाच्या Anti Corruption Bureau पथकाने रंगेहाथ पकडले आहे. Talathi Arrested In Sangli for Taking Bribe

काल रात्री उशिरा ही कारवाई करण्यात आली. मात्र, या घटनेनंतर अप्पर तहसिलदार म्हेत्रे हे फरार झाले आहेत. मंगळवारी रात्री उशिरा उमदी पोलिस ठाण्यात अप्पर तहसिलदार व तलाटी यांच्या विरोधात गुन्हा दाखल करण्याची प्रक्रिया सुरू होती. गेल्या वीस दिवसांपूर्वी तक्रारदार हे शेतात माती वाहतूक करत असताना अप्पर तहसिलदार हणमंत म्हेत्रे व तलाटी विशाल उदगिरे यांनी वाहनावर कारवाईच्या अनुषंगाने संख अप्पर तहसिलदार कार्यालयात वाहने लावली होती. या वाहनावर कारवाई टाळण्यासाठी व सोडण्यासाठी दोघांनी ही तक्रारदारकडे दोन लाख 50 हजारांची मागणी केली होती.

यानंतर तक्रारदाराने दि. 5 जून रोजी सांगली लाचलुचपत प्रतिबंधक विभागाकडे तक्रार केली होती.  लाचलुचपत प्रतिबंधक विभागाच्या अधिकार्‍यांनी केलेल्या चौकशीीत दि. 9 ते 22 जून काळात संखचे अप्पर तहसिलदार हणमंत म्हेत्रे व तलाटी विशाल उदगिरे यांनी तक्रारदाराकडे पैसे मागितल्याचे निष्पन्न झाले. यानंतर लाचलुचपतच्या अधिकार्‍यांनी काल  संख अप्पर तहसिलदार कार्यालयात सापळा रचला.

यामध्ये अप्पर तहसिलदार म्हेत्रे यांच्या सांगण्यावरून तलाटी विशाल उदगिरे यांनी तक्रारदाराकडून दोन लाख 30 हजारांची लाच स्वीकारताना रंगेहाथ पकडले. तलाठी उदगिरे याला सांगलीच्या पथकाने अटक करून त्याच्याकडे चौकशी सुरू केली आहे. मात्र, अप्पर तहसिलदार हणमंत म्हेत्रे यांनी घटना समजताच कार्यालयातून पळ काढला. या दोघांवर उमदी पोलिस ठाण्यात लाचलुचपत प्रतिबंधक कायद्याखाली गुन्हा दाखल करण्यात आला आहे.

Edited By - Amit Golwalkar