रायगडच्या समुद्रात चाललंय काय? पुन्हा संशयस्पद बोट आढळल्याने खळबळ; पोलीस तपास सुरु

रायगड : रायगड (Raigad) जिल्ह्यातील उरणमधील करंजा येथे समुद्रात संशयास्पद मासेमारी बोट सापडल्याने खळबळ उडाली आहे. सणासुदीचे दिवस असल्याने समुद्रात आढळलेली बोट कोणत्या कटाचा भाग तर नाही ना अशी भीती व्यक्त केली जात आहेत. पोलीस याबाबत अधिक तपास करत आहेत.

समुद्रात आढळलेल्या बोटीला (Suspicious Boat) नंबर प्लेट नसल्याने संशय व्यक्त केला जात आहे. मत्स्य विभाग गस्त घालत असताना ही सापडली आढळली आहे. नेमकी ही बोट कुणाची आहे याबाबत पोलिसांनी तपास सुरु केला आहे.

दोन दिवसांपूर्वीही आढळली होती संशयास्पद बोट

दोन दिवसांपूर्वी दापोली समुद्रकिनारी अशीच संशयास्पद बोट सापडली होती. त्यानंतर तटरक्षक दलाच्या मदतीने याबाबची चौकशी करण्यात आली. यावेळी ही बोट संशयास्पद नसून विजयदुर्ग किनाऱ्यावर बुडालेल्या पार्थ जहाजाच्या लाईफ क्राफ्टचा तो भाग असल्याची माहिती तटरक्षक दलाकडून देण्यात आली.

गेल्या महिन्यात देखील रायगडच्या हरिहरेश्वरमध्ये समुद्र किनाऱ्यावर संशयास्पद बोट आढळली होती. या बोटीत शस्त्रास्त्रं सापडली देखील सापडली होती. पोलिसांनी स्थानिकांच्या मदतीने ही बोट किनाऱ्यावर आणली होती. या बोटीमध्ये तीन एके-47 रायफल्स, काडतुसं आढळून आली होती. शस्त्रं आढळून आलेल्या बॉक्सवर नेपच्यून मॅरिटाईम सिक्युरिटीचं स्टिकर होतं. तेव्हा देखील मोठी खळबळ उडाली होती. रायगड जिल्ह्यात या घटनेमुळे हाय अलर्ट जारी करण्यात आला होता.