Sushma Andhare News: ऊसतोड कामगार मंडळाला कोट्यावधींचा निधी आल्याचा दावा खोटा... सुषमा अंधारेंचा बीडमधील नेत्यांवर निशाणा

Beed News:

शिवसेना उपनेत्या सुषमा अंधारे यांचा मातृतिर्थ ते शिवतिर्थ यात्रा सध्या बीड जिल्ह्यामध्ये सुरू आहे. हा दौरा करत असताना त्यांनी बीड जिल्ह्यातील शेतकरी आणि ऊसतोड कामगारांशी संवाद साधला. यावेळी त्यांनी बीड जिल्ह्यातील दिग्गज नेते आणि ऊसतोड कामगारांच्या नेत्यांवर देखील टीका करत सवाल केला आहे..

काय म्हणाल्या सुषमा अंधारे?

"मी सध्या राज्यभराचा दौरा करतेय. या दौऱ्यादरम्यान शेतकरी, शेतमजुरांचे प्रश्न समोर येत आहेत. बीडमध्ये आले असता मी ऊसतोड कामगारांशी संवाद साधला, यावेळी लक्षात आले की ऊसतोड कामगारांना ऊसतोड कामगार महामंडळाची माहिती नाही. एकीकडे बीडमधील नेते या ऊसतोड कामगारांच्या जीवावर राजकारण करतात," अशी टीका अंधारेंनी (Sushma Andhare) केली.

तसेच "एकीकडे बीडमधील (Beed) नेते या ऊसतोड कामगारांच्या जीवावर राजकारण करतात, त्यांच्या महामंडळासाठी कोट्यावधी रुपयांचा निधी आल्याचे सांगतात. परंतु प्रत्यक्षात या महामंडळाच्या माध्यमातून कुठल्याही योजना राबवल्या नसल्याचे आता समोर येत आहे, असा आरोपही त्यांनी केला.

"असे असेल तर महामंडळाची घोषणा करून राज्य सरकारने काय साध्य केले ? असा सवाल शिवसेना नेत्या सुषमा अंधारे यांनी उपस्थित केलाय. या महामंडळाची प्रभावीपणे अंमलबजावणी करण्याची गरजही सुषमा अंधारे यांनी व्यक्त केली. (Latest Marathi News)

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)