राज्यात पुन्हा एकदा मुख्यमंत्रिपदाची चर्चा सुरू झालीय. याला निमित्त ठरलंय ते बारामती निवडणुकीतला प्रचार. राष्ट्रवादीच्या नेत्यांनी बारामतीत प्रचारादरम्यान अजितदादांचं मुख्यमंत्रिपदाचं स्वप्न अपूर्ण राहिल्याची खंत अनेकांनी बोलून दाखवली. मात्र महिला आणि बाल कल्याणमंत्री आदिती तटकरे यांनी थेट दादांचं मुख्यमंत्रिपदाचं स्वप्न काकींच्या माध्यमातून पूर्ण होईल असा विश्वास थेट भाषणातूनच व्यक्त केला आणि पुन्हा एकदा मुख्यमंत्रिपदाची चर्चा सुरू झाली.
तर राजकारणात अशी परिस्थिती कधीही येऊ शकते आणि सुनेत्रा पवार मुख्यमंत्री होऊ शकतात असं सूचक विधान राष्ट्रवादीचे ज्येष्ठ मंत्री आणि नेते छगन भुजबळ यांनी केल्यामुळे या चर्चेला अधिकच धार आलीय.
मुख्यमंत्रिपदाच्या या चर्चेमुळे विरोधकांना आयतं कोलित मिळालंय. उद्या फडणवीसांना वारसदार ठरवण्याची वेळ आलीच तर ते एकनाथ शिंदेपेक्षा सुनेत्रा पवारांनाच झुकतं माप देणार असा दावा खासदार संजय राऊतांनी केलाय. अजितदादांनी आपली मुख्यमंत्री होण्याची इच्छा कधीच लपवून ठेवली नव्हती. जाहीर भाषणातही ते याबाबत बोलायला मागेपुढे पाहत नसत..दादा गेल्यानंतर मुख्यमंत्रिपदाची चर्चा थंडावली होती. मात्र बारामती पोटनिवडणुकीच्या निमित्तानं आता पुन्हा या मुद्यानं उचल खाल्लीय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.