Beed News : ऊसतोडणीच्या वाढीव दरासाठी बीडला आंदाेलन, मजूर कामगार संघटनेचा आक्रमक पवित्रा

Beed News : ऊसतोडणी मजुरीचा दर प्रतिटन 550 रुपये करण्यात यावा. या मागणीसाठी महाराष्ट्र ऊसतोडणी व वाहतूक कामगार संघटनेच्या वतीने बीडच्या जिल्हाधिकारी कार्यालयासमोर धरणे आंदोलन छेडण्यात आले आहे. या आंदाेलनात शेकडाे कामगार सहभागी झाले आहेत. (Maharashtra News)

ऊसतोड मजूर,मुकादम व वाहतूक संघटना यांच्या दरात वाढ करावी या मागणीसाठी माजी मंत्री पंकजा मुंडे (pankaja munde) यांच्या नेतृत्वाखाली मागण्यांची सरकारकडून पूर्णता होईपर्यंत संप करण्याचा निर्णय घेण्यात आला आहे. त्यानूसार आंदाेलनास प्रारंभ झाला आहे.

बीड येथे ऊसतोड मजुरांच्या विविध मागण्यांसाठी महाराष्ट्र ऊसतोडणी व वाहतूक कामगार संघटना आक्रमक झाली आहे. आमच्या मागण्या मान्य न झाल्यास ऊसतोड कामगार बेमुदत संपावर जाईल, असा इशारा संघटनेने दिला आहे.

Edited By : Siddharth Latkar