लातुरात एसटीला लागला ब्रेक, जिल्ह्यातील 5 आगरासमोर उपोषण सुरू!

लातूर : आज सकाळपासून लातुर जिल्ह्यातील 5 आगारातील वाहतूक ठप्प झाली आहे. काल एसटी कर्मचारी कृती समितीने बेमुदत आंदोलन सुरू केलं आहे. काल रात्रीला मुक्कामी गेलेल्या बसेस परत आल्यानंतर त्या सुद्धा आगारात बसेस लावून बंद सुरू केला आहे.

हे देखील पहा :

राज्य कर्मचाऱ्यांना वेतन भत्ते सुविधा मिळतात त्यापासून वंचित राहावे लागत असल्याने आर्थिक संकटांचा सामना करावा लागत आहे. राज्य परिवहन महामंडळ कमी वेतन श्रेणी देत आहे तर देशात महागाईचा भस्मासुर वाढत असल्याने जगन कठीण झाले आहे. यापूर्वी अनेकदा एसटी कर्मचारी संघटनांनी शासनाला निवेदन उपोषण संप करून देखील दखल घेतली नाही.

यामुळे आजपासून बेमुदत संप सुरू केला आहे. राज्याचे मुख्यमंत्री उद्धव ठाकरे, परिवहन मंत्री अनिल परब यांनी आंदोलनाची दखल घ्यावी ऐन सणासुदीच्या काळात आर्थिक संकटात एसटी बंद असल्याने न्याय द्यावा अशी मागणी गोर्वधन सोळुंके, गोपाळ गडीकर, फिरोज सय्यद, बालाजी शिरशे, सुरेखा घोगरे, लक्ष्मण पौळकर रेखा जाधव मीरा चव्हाण आदी एसटी कर्मचारी करत आहेत.

Edited By : Krushnarav Sathe