सोलापूर : सोलापुरात मोठा राडा झाला आहे. सोलापुरात मराठा समाजाच्या बैठकीत हाणामारी झाल्याची घटना घडली आहे. हाणामारीच्या घटनेनंतर परिसरात एकच खळबळ उडाली. बैठकीतील कार्यकर्त्यांच्या हाणामारीचा व्हिडिओ समोर आला आहे. जन्मजयराजे भोसले यांच्या विरोधात वक्तव्य केल्याने हाणामारी झाल्याची प्राथमिक माहिती मिळत आहे.
सोलापूरच्या अक्कलकोटध्ये शिवधर्म फाऊंडेशनच्या कार्यकर्त्यांनी संभाजी ब्रिगेडच्या प्रवीण गायकवाड यांना काळं फासलं होतं. या घटनेने सोलापुरातील राजकीय वातवरण तापलं आहे. प्रवीण गायकवाड यांना काळं फासल्यानंतर महाविकास आघाडीच्या नेत्यांनी आक्रमक निषेध नोंदवला आहे. या प्रकरणाचे पडसाद मराठा समाजातही उमटले आहेत. याच पार्श्वभूमीवर आयोजित केलेल्या बैठकीत राडा झाल्याची घटना घडली आहे.
सोलापुरात संभाजी ब्रिगेडचे प्रदेशाध्यक्ष प्रवीण गायकवाड यांच्यावर झालेल्या शाईफेक हल्ल्याच्या निषेधार्थ बैठकीचं आयोजन करण्यात आलं होतं. याच बैठकीत गोंधळ झाला. जन्मजयराजे भोसले यांच्या कार्यकर्त्याकडून एका कार्यकर्त्याला मारहाण करण्यात आली. या हाणामारीच्या घटनेनंतर बैठकस्थळी एकच खळबळ उडाली. दोन्ही गटाच्या कार्यकर्त्यांनी एकमेकांविरोधात घोषणाबाजी केली.
जन्मजयराजे भोसले म्हणाले, सोलापुरात सकल मराठा समाजाची सुरळीत बैठक सुरु होती. मात्र पंढरपूरच्या वकिलाने माझ्याबद्दल चुकीचं बोलल्यामुळे गोंधळ उडाला. यामुळे कार्यकर्त्यांच्या भावना दुखावल्या गेल्या. याउलट माझा मुलगा अमोलराजेने दीपक काटे याला सज्जड दम दिलाय. सभेत बोलणारा युवक चुकीच्या माहितीच्या आधारे बोलत होता. माझा मुलगा अमोल याने दीपक काटेला घडलेलं कृत्य चुकीचं झालंय, असे त्याला सांगितले. त्यामुळे त्यांचा गैरसमज झालाय'.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.