पहाटे काळाने घाला घातला! त्याची कार थेट कालव्यात गेली, पत्नी अन् सासू-सासऱ्याचा डोळ्यासमोर मृत्यू

Solapur Natepute canal accident car falls details : मुंबईहून तो पत्नी आणि सासू-सासऱ्यासोबत घराकडे निघाला होता. रात्री ११ ते १२ वाजताच्या सुमारास मुंबईहून हे कुटुंब आपल्या महागड्या कारने फोंडशिरसकडे निघाले होते. पहाटेच्या वेळी सोलापूरमधील नातेपुतेजवळ आल्यावर काळाने (Solapur accident today) घाला घातला. कार अचानक कालव्याच्या पुलावरून खाली पडली. या दुर्दैवी घटनेत ३ जणांचा जागीच मृत्यू झाला. पण चालक थोडक्यात बचावला. त्याच्या डोळ्यासमोरच बायको आणि सासू-सासऱ्यांचा बुडून मृत्यू झाला. या घटनेनंतर हळहळ व्यक्त करण्यात येत आहे.

पंढरपूरच्या नातेपुतेजवळ निरा उजवा कालव्याच्या पुलावरून ही ईरटीका गाडी कालव्यात पडली. त्यामध्ये तीन जणांचा मृत्यू झाला आहे. मुंबईवरून फोंडशिरसकडे जात असताना दुर्दैवी घटना घडली. तीन जण गाडीत अडकले होते, त्यांचा मृत्यू झाला. या घटेची माहिती मिळताच पोलिसांनी आणि पाटबंधारे खात्याचे शाखा अधिकाऱ्यांनी घटनास्थळी धाव घेतली. तात्काळ मदतकार्य सुरू केले, पम ३ जणांना वाचवू शकले नाहीत. त्यांचा दुर्दैवी मृत्यू झाला.

अपघातग्रस्त गाडीतील प्रवाशी मूळचे सातारा जिल्ह्यातील दुधबावी येथील आहेत. ते मुंबई येथे नोकरी निमित्त स्थायिक झाले आहेत. फोंडशिरस येथे येत असताना आज पहाटे पाच वाजताच्या सुमारास त्यांच्या गाडीचा अपघात झाला. गाडी चालक सुनील टिळेकर हा बचावला. या गाडीत त्याची पत्नी व सासू, सासरे मयत झाले आहेत. पोलिसांकडून या घटनेची नोंद केली असून मृतदेह पोस्टमार्टमसाठी पाठवण्यात आले आहे. पोलिसांकडून या दुर्घटनेचा तपास केला जात आहे.