Chhatrapati Shivaji Maharaj : महापुरुषांबद्दल विशेषत: छत्रपती शिवाजी महाराज यांच्याबाबत नेत्यांकडून हाेत असलेल्या वक्तव्यांचा निषेध करण्यासाठी श्री मध्यवर्ती शिवजन्मोत्सव मंडळाच्यावतीने सोलापूर शहर बंदची हाक देण्यात आली आहे. येत्या शुक्रवारी (ता.16) असणारा सोलापूर बंद हा दुपारी दाेन पर्यंतच पाळण्यात येणार असल्याची माहिती समितीच्यावतीने देण्यात आली.(Maharashtra News)
पुण्यातील एकंदरीत बंदच्या पार्श्वभूमीवर सोलापूरात देखील दुपारी 2 वाजेपर्यंतच आम्ही बंद पाळणार आहोत असे समितीच्यावतीने सांगण्यात आले. काही पक्षांनी सोलापूर बंदला (solapur bandh) विरोध केला आहे मात्र सोलापूर बंद यशस्वी होणारच असा ठाम विश्वास व्यक्त करण्यात आला आहे.
सोलापूर बंदला विरोध करणाऱ्यांचे छत्रपती शिवाजी महाराज किंवा महापुरुषांवर प्रेम नसावे त्यामुळे त्यांनी सोलापूर बंदला विरोध केला आहे असेही समितीच्या सदस्यांनी मत व्यक्त केले. या बंदमध्ये ठाकरे गट, काँग्रेस, राष्ट्रवादी (ncp) तसेच विविध सामाजिक संघटनांचा सहभाग असणार आहे अशी माहिती देण्यात आली.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.