Corona Updates : लातुरात खळबळ; एकाच शाळेतील 16 शिक्षकांना कोरोनाची लागण

लातुर : लातुर जिल्ह्यातील (Latur District) निलंगा तालुक्यातील कासार शिरशी येथील श्री करीबसवेश्वर उच्च माध्यमिक विद्यालयातील सोळा शिक्षकांना कोरोनाची (Corona) बाधा झाल्याचे निष्पन्न झाल्याने येथील शिक्षण क्षेत्रात एकच खळबळ उडाली असून बाधित शिक्षकांना त्यांच्या विनंतीवरून विलगीकरणासाठी तात्पुरत्या सेवा मुक्तीवर घरी पाठवण्यात आले असल्याची माहिती प्राचार्य सौ सविता मुरूमकर यांनी दिली आहे.

कोरोनाच्या (Corona) पार्श्वभूमीवर बंद असलेल्या शाळा सुरू झाल्या होत्या त्यानिमित्त विद्यालयातील या रोगाचा संसर्ग रोखता यावा यासाठी पहिल्या टप्प्यात विद्यालयातील सत्तावीस शिक्षकांना प्रथम टप्प्यात चाचणीसाठी पाठवण्यात आले होते यात सोळा शिक्षक बाधीत निघाल्याने शहरातील शिक्षण क्षेत्रात पुन्हा प्रश्नचिन्ह निर्माण झाले आहे.

दरम्यान कोरोनाची बाधा न झालेल्या शिक्षकांच्या माध्यमातून शाळा चालूच राहतील प्रजासत्ताक दिनासह सर्व दैनंदिन उपक्रम चालू राहतील असे या श्री करीबसवेश्वर उच्च माध्यमिक विद्यालयाच्या वतीने सांगण्यात आले आहे.

Edited By - Jagdish Patil