Amravati : निभोरा फाट्यानजीक अपघात; सहा ठार, चांदूर बाजार तालुक्यातील एक जखमी

- अमर घटारे

अमरावती : अमरावती (amravati) जिल्ह्यातील परतवाडा (paratwada) शिरजगाव बैंतुल रोडवर मध्यरात्री निभोरा फाटा जवळ चार चाकी आणि दुचाकीच्या अपघातात (accident) सहा ठार तर एक जण जखमी झाला आहे. या अपघातामधील जखमीवर रुग्णालयात उपचार सुरु आहेत. (amravati latest marathi news)

या अपघाताबाबत अधिक माहिती अशी : शिरजगाव पोलीस ठाणे येथील रात्रगस्त अंमलदार हे गस्त असताना त्यांना रस्त्यावरील पुलाजवळ मोटरसायकलची शीट पडलेली दिसली. त्यामुळे त्यांनी त्या ठिकाणी थांबून पाहणी केली असता अपघात झाल्याचे दिसून आले. या अपघातातील जखमी व मृतक हे वाहनात फसलेले होते. त्यांना वाहनातून बाहेर काढून उपजिल्हा रुग्णालय अचलपूर येथे दाखल करण्यात आले.

या घटनेत सहा जणांचा मृत्यू झाला आहे. यामध्ये पांडुरंग रघुनाथ शनवारे, सतीश सुखदेव शनवारे , सुरेश विठ्ठल निर्मळे, रमेश धुर्व, प्रतीक दिनेशराव मांडवकर, अक्षय सुभाष देशकर यांचा समावेश आहे. तसेच या अपघातात संजय गजानन गायन (राहणार बोदड, ता. चांदूर बाजार) हे जखमी झाले आहेत. त्यांच्यावर रुग्णालयात उपचार सुरू आहेत.

Edited By : Siddharth Latkar