Sindhudurg Private Bus accident : कोकणातून मुंबईकडे निघालेल्या चाकरमान्यांचा बसचा भीषण अपघात, ६० जण करत होते प्रवास

विनायक वंजारे, साम टीव्ही प्रतीनिधी

सिंधुदुर्ग : कोकणात गणपतीसाठी गेलेले चाकरमानी पुन्हा घरी परतायला सुरुवात झाली आहे. काही रेल्वे मार्गे आणि रस्तेमार्गे मुंबईतील घराकडे येत आहेत. रेल्वेत आरक्षण सीट शिल्लक नसल्याने अनेकांनी रस्तेमार्गे असणाऱ्या वाहनांचा आधार घेतला आहे. अनेक जण बस आणि खासगी प्रवासी वाहनांनी घराकडे निघाले आहेत. त्यामुळे या खासगी वाहनांतही गर्दी पाहायला मिळत आहे.

सिंधुदुर्गच्या वेंगुर्ला शिरोडा येथून चाकरमान्यांना घेऊन मुंबईला निघालेली खासगी बस तुळस येथे उलटली आहे. या खासगी बस समोरील वाहनाला बाजू देताना ब भातशेतीत कोसळली आहे. या खासगी बसमध्ये ५५ ते ६० प्रवासी होते. समोरून येणाऱ्या वाहनाला जागा देत असल्याने बसचा वेग कमी होता. त्यामुळे बस जागेवरच उलटली. त्यामुळे मोठा भीषण दुर्घटना टळली आहे.

या भीषण अपघातात ७ ते १० प्रवासी जखमी झाले आहेत. या जखमींना ग्रामीण रुग्णालयात उपचारासाठी दाखल करण्यात आलं आहे. या अपघाताची माहिती मिळताच स्थानिकांनी तातडीने घटनास्थळी धाव घेतली. पूर्ण क्षमतेने घेऊन जाणाऱ्या बसचा हा अपघात झाला आहे. दरम्यान, गणपतीआधी मुंबई-गोवा महामार्गावरील रस्त्याच्या परिस्थितीवरून कोकणकरांनी राज्य सरकारवर जोरदार टीका केली होती.

मागील वर्षांप्रमाणे यंदाही तशीच काहीशी परिस्थिती होती. या भीषण अपघातानंतर स्थानिकांनी तातडीने घटनास्थळी धाव घेत मदतीचा धाव घेतला होता. त्याचबरोबर त्यांनी जखमी प्रवाशांचे प्राथमिक उपचार करत धीर देण्याचं काम केले होते.

या बसमध्ये ५५ ते ६० प्रवासी होते. या अपघातात ८ ते १० जण जखमी झाले आहेत. तर त्यांना वेंगुर्ले ग्रामीण रुग्णालयात दाखल केले आहे.