दुकान फाेडणारा चाेरटा जेरबंद; पंचवटी पोलीसांच्या गुन्हे शोध पथकाची कामगिरी

तबरेज शेख

नाशिक - पंचवटीतील सरदार चौकातील साईबाबा कुंकू भांडार हे दुकान फाेडणाऱ्या चाेरट्यास पंचवटी पाेलिसांनी (Police) जेरबंद केले आहे. अन्सार अत्तार रहाणार नांदगाव असे संशयिताचे नाव आहे. त्याने गुन्ह्याची कबुली दिली असून त्याचेकडून १० हजार रुपयांचा मुद्देमाल हस्तगत करण्यात आला आहे.

हे देखील पाहा -

२५ मे राेजी रात्री १ वाजता चाेरट्याने कुंकवाचे दुकान फाेडून २३ हजार ८०० रुपयांचा माल चोरून नेला हाेता. त्याबाबत पंचवटी पोलीस ठाण्यात गुन्हा दाखल करण्यात आला होता. ही संपूर्ण चोरीची घटना सीसीटीव्हीमध्ये कैद झाली होती. सीसीटीव्हीच्या आधारे पोलिसांनी संशयिताचा शोध घेऊन त्याला अटक केली.

पाेलीस आयुक्त जयंत नाईकनवरे, उपायुक्त अमोल तांबे, सहायक आयुक्त मधुकर गावीत यांनी पंचवटी पाेलिसांना सुचना दिल्या होत्या. त्याअनुषंगाने पंचवटी पोलीस ठाण्याचे वरिष्ठ पोलीस निरीक्षक डॉ. सीताराम कोल्हे, पोलीस निरीक्षक (प्रशासन) रणजित नलवडे यांचे मार्गदर्शनाखाली गुन्हे शोध पथकाचे सहायक निरीक्षक सत्यवान पवार व अंमलदार यांनी मिळालेल्या सीसीटीव्ही फुटेज वरून तांत्रिक पध्दतीने तपास केला. त्यात फुटेज मधील अनोळखी व्यक्ती हा भद्रकाली परीसरात फिरत असल्याची माहीती मिळाल्यावर त्याला पकडण्यात आले. या प्रकरणी पुढील तपास हवासदार सुनिल शेवाळे करीत आहेत.