लातूर : संपूर्ण जगामध्ये सध्या कोरोनाच्या (Corona) नव्या ओमायक्रोन व्हेरियंटचा (omicron variant) धुमाकूळ सुरू असतानाच लातुरात एकही ओमीक्रॉनचा रुग्ण अद्यापही सापडलेला नाही. मात्र, आता धक्कादायक बातमी हाती आली आहे. लातुर (latur) जिल्ह्यामध्ये आजतागायत 51 नागरिक परदेशातून आलेले आहेत. त्यामध्ये राज्य शासनाने जाहीर केलेल्या अति जोखमीच्या देशातून चार नागरिक आलेले आहेत.
हे देखील पहा :
तर, उर्वरित 47 नागरिक कमी जोखमीच्या देशातून आलेले आहेत. त्यापैकी 44 लोकांची RTPCR तपासणी करण्यात आली. आजतागायत सोळा व्यक्तींचा अहवाल प्राप्त झाला आहे. त्यातील एक जण व्यक्ती पॉझिटिव्ह आढळून आला आहे. पण, हा पॉझिटिव्ह आलेला व्यक्ती व ओमायक्रोन व्हेरिएंटचा आहे की अन्य व्हेरिएंटचा आहे. याबद्दल आरोग्य प्रशासनच साशंक आहे. या पॉझिटिव्ह आलेल्या व्यक्तीचे जीनोम सिक्वेन्ससिंग करण्यासाठी त्याचे नमुने पुण्याच्या राष्ट्रीय विषाणू संशोधन केंद्रामध्ये पाठवण्यात आले असून याचा अहवाल येणे अद्याप बाकी आहे.
आता सध्याला पॉझिटिव्ह रुग्ण नेमका डेल्टा व्हेरिएंटचा आहे की, ओमीक्रॉन व्हेरिएंटचा हे जीनोम सिक्वेन्स सिंगच्या अहवालानंतरच स्पष्ट होईल. तथापि नागरिकांनी घाबरून न जाता अश्या विषाणूवर लस हाच एकमेव पर्याय आहे. त्यामुळे नागरिकांनी लस घेण्याचे आवाहन जिल्हा आरोग्य अधिकारी डॉ. हणमंत वडगावे यांनी केले आहे.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
