बैलगाड्या रस्त्यावर सोडून, शेतकऱ्यांचा सक्तीच्या वीज बिल वसुली विरोधात चक्काजाम!

बीड : बीड (Beed) जिल्ह्यात सक्तीच्या वीज बिल वसुली विरोधात, शेतकरी (Farmers) आक्रमक झाले आहेत. आज सोलापूर-धुळे राष्ट्रीय महामार्गावरील (Highway) मांजरसुंबा येथे, बैलगाडी रस्त्यावर सोडून चक्काजाम करत, रस्ता रोको आंदोलन केले. जवळपास दीड तास चाललेल्या या चक्काजाम मुळे वाहनांच्या लांबच लांब रांगा लागल्या होत्या.

हे देखील पहा :

यामुळं प्रवाशांना काही काळ त्रास सहन करावा लागला. भाजपा किसान सेलचे प्रदेश उपाध्यक्ष रमेश पोकळे यांच्या नेतृत्वात शेतकर्‍यांनी महावितरण विरोधात संताप व्यक्त केला असून चक्का जाम आंदोलन शेकडो शेतकरी बैलगाडी घेऊन सहभागी झाले होते. तर ही सक्तीची वीज बिल वसुली तात्काळ रद्द करा. अन्यथा महावितरण कार्यालयात जागरण गोंधळ आंदोलन करू. असा इशारा भाजप नेते रमेश पोकळे यांनी दिलाय.

यावेळी राज्य सरकार विरोधात तीव्र संताप व्यक्त करत शेतकऱ्यांनी तीव्र घोषणाबाजी केली. तर अगोदरचं पिके करपून जात असताना देखील, आडमुठ्या धोरणामुळे शेतकरी देशोधडीला लागला आहे. आता महावितरण कंपनी सक्तीची बिल वसुली करून शेतकऱ्याला आत्महत्याच्या दारात लोटत आहे. त्यामुळे सक्तीची वीज बिल वसुली तात्काळ रद्द करा. अन्यथा महावितरण कार्यालयात अधिकाऱ्या बसू देणार नाहीत असा इशारा सामाजिक कार्यकर्ते डॉ गणेश ढवळे यांनी दिलाय.

Edited By : Krushnarav Sathe