Shivshahi Bus ला अपघात, साखर झाेपेत असतानाच प्रवाशांची उडाली गाळण, 14 जखमी

- नवनीत तापडिया

Chhatrapati Sambhaji Nagar : छत्रपती संभाजीनगर शहरात आज झालेल्या शिववशाही बसच्या भीषण अपघाता 14 जण जखमी झाले आहेत. सुदैवाने या अपघातात कुठलीही जीवित हानी झालेली नाही. (Maharashtra News)

शहरात शिवशाही बसच्या अपघातांची मालिका मागील काही दिवसांपासून सुरूच आहे. आज पहाटेच्या चारच्या सुमारास छत्रपती संभाजीनगर शहरातील बाबा पेट्रोल पंपावर शिवशाही बसचा भीषण अपघात झाला. या अपघातात बसच्या चालक वाहकांसह 14 जण जखमी झाले.

या अपघातामधील जखमींना उपचारासाठी घाटी रुग्णालयात दाखल करण्यात आले आहे. प्राथमिक माहितीनुसार ही शिवशाही बस नाशिक आगाराची आहे. छत्रपती संभाजीनगर बस स्थानकातून निघाल्यानंतर बाबा पेट्रोल पंपावर चालकाचे नियंत्रण सुटल्याने एका कंटेनरला बस धडकल्याची माहिती घटनास्थळावरुन मिळाली. सुदैवाने या अपघातात कुठलीही जीवित हानी झाली नाही.

Edited By : Siddharth Latkar