Shivsena Symbol Row: शिवसेना आणि धनुष्यबाण कोणाचा? १० फेब्रुवारीआधी आयोगाचा निर्णय येण्याची शक्यता

Shivsena Symbol Row: शिवसेना आणि धनुष्यबाण कोणाचा? यावरून उद्धव ठाकरे आणि एकनाथ शिंदे गटात मागच्या वाद सुरू आहे. निवडणूक आयोग या आठवड्यात शिवसेना पक्ष आणि धनुष्यबाण चिन्हाबाबत निर्णय देण्याची शक्यता आहे. सूत्रांनी दिलेल्या माहितीनुसार, येत्या १० फेब्रुवारीच्या अगोदर निवडणूक आयोगाचा निर्णय येण्याची शक्यता आहे.

पंतप्रधान नरेंद्र मोदी १० फेब्रुवारीला मुंबई दौऱ्यावर येणार आहेत. त्याआधी निवडणूक आयोग शिवसेनेबाबत निर्णय देण्याची शक्यता आहे. शिवसेनेच्या दाव्यावरूव दोन्हीटाचे युक्तिवाद पूर्ण झाले आहेत. केंद्रीय निवडणूक आयोगासमोर दोन्ही गटांकडून कागदपत्रे व लेखी युक्तीवाद सादर करण्यात आले होते. आता या आठवड्यात यावर निर्णय येणे अपेक्षित आहे. (Latest Marathi News)

या प्रकरणावर निवडणूक आयोगाच काम आता अंतिम टप्प्यात आले आहे. कोणत्याही क्षणी निकाल येण्याची शक्यता आहे. निवडणूक आयोगाच्या या निकालावर निकालावर शिंदे गटाचं भविष्य अवलंबून आहे. निकाल विरोधात आला तर शिंदे गटाला सुप्रीम कोर्टात फटका बसू शकतो. परंतु निकाल बाजूने आला तर त्याचा फायदा त्यांना सर्वोच्च न्यायालयात होऊ शकतो.

सर्वोच्च न्यायालयात सलग सुनावणी होणार

सर्वोच्च न्यायालयात देखील राज्यातील सत्ता संघर्षावर सुनावणी सुरू आहे. येत्या १४ फेब्रुवारीपासून या प्रकरणावर सलग सुनावणी होणार आहे. सर्वोच्च न्यायालयाने शिवसेना पक्ष आणि धनुष्यबाण चिन्हाबाबत निर्णय देण्याचे अधिकार केंद्रीय निवडणूक आयोगाला असल्याचे सांगितले होते.