Sushma Andhare : सुषमा अंधारेंवर विभक्त पतीचे सर्वात गंभीर आरोप; वैजनाथ वाघमारे नेमकं काय म्हणाले?

Beed News : ठाकरे गटाच्या नेत्या सुषमा अंधारे यांचे विभक्त पती वैजनाथ वाघमारे यांनी सुषमा अंधारेंवर गंभीर आरोप केले आहेत. राज्यभरातील कला केंद्र चालक सुषमा अंधारे यांच्या संपर्कात असून पोलीस कारवाई होऊ नये, यासाठी मदत करण्याची गळ घालतात.

या ठिकाणी चालणाऱ्या गैर प्रकारांना सुषमा अंधारे यांचे पाठबळ असून यासाठी त्या टक्केवारी घेतात. या सर्व प्रकाराची चौकशी करावी, अशी मागणी वैजनाथ वाघमारे यांनी केला.

केज येथे शिवसेनेचे  उद्धव ठाकरे गटाचे हकालपट्टी करण्यात आलेले जिल्हाप्रमुख रत्नाकर शिंदे यांच्या भागीदारीत चालवल्या जाणाऱ्या कला केंद्रावर 2 दिवसापूर्वी पोलिसांनी धाड टाकली होती. या ठिकाणी अल्पवयीन मुलींचे शोषण केले जात असल्याचे समोर आले होते. या पार्श्वभूमीवर वैजनाथ वाघमारे यांनी माध्यमांशी संवाद साधला.

यावेळी त्यांनी रत्नाकर शिंदे यांना जिल्हाप्रमुख करण्यासाठी सुषमा अंधारे यांनी 25 लाख रुपये घेतल्याचे म्हणाले. तसेच कला केंद्र चालव मी आहे, पोलीस कारवाई होऊ देत नाही, असे म्हणत पाठबळही दिले. यामुळेच रत्नाकर शिंदे हे बळीचा बकरा बनल्याचे वाघमारे यांनी यावेळी म्हटले. (Political News)

उद्धव ठाकरे यांच्या शिवसेनेत सुषमा अंधारे यांचे मोठे वजन निर्माण झाले आहे. परंतु कला केंद्राच्या माध्यमातून चालणाऱ्या गैरप्रकारांना पाठबळ देणाऱ्या अशा महिलेची पक्षातून ठाकरेंनी हाकालपट्टी करावी , अशी मागणी देखील वाघमारे यांनी यावेळी केली.