Shivsena : 'माताेश्री' बाहेर सेना पदाधिकाऱ्यास फुटला घाम; हृदयविकाराचा झटक्याने झाला मृत्यू

- फैय्याज शेख

शहापूर : शिवसेना पक्षप्रमुख उद्धव ठाकरे (Uddhav Thackeray) यांना भेटण्यासाठी गेलेल्या शहापूर (Shahapur) तालुक्यातील पदाधिकाऱ्यांमधील भगवान काळे यांचे बुधवारी (ता. सहा जूलै) मुंबईतच निधन झाले. यामुळे शहापूर तालुक्यातील शिवसैनिकांमध्ये (shivsainik) शाेककळा पसरली. (Shivsena Latest Marathi news)

भगवान काळे (bhagwan kale) हे वाशाळा गावातील पदाधिकाऱ्यांना स्वत:च्या गाडीतून मातोश्रीवर घेऊन गेले. त्यांना अस्वस्थ वाटू लागल्याने ते बैठकीसाठी आत गेले नाहीत. काही शिवसैनिकांनी दिलेल्या माहितीनूसार काळे हे तेथे पोहचताच त्यांना घाम येऊ लागला. त्यामुळे ते बाहेर एका खुर्चीतच बसले.

त्यानंतर काळे यांना कलानगर येथील रुग्णालयात नेत असताना वाटेतच त्यांना हृदयविकाराचा तीव्र झटका आला. त्यातच त्यांचे निधन झाले. आज (गुरुवार) सकाळी राहात्या घरी कसारा गावी येथे त्यांच्यावर अंत्यसंस्कार करण्यात आले.

Edited By : Siddharth Latkar