Satara News : किस्साच झाला ! शिवेंद्रराजे पाेहचताच उदयनराजेंचा फोन कट, मंत्री देसाई लागले हसू

Satara News : आमदार शिवेंद्रसिंहराजे भाेसले (shivendraraje bhosale) यांनी आज (शुक्रवार) दुपारच्या सुमारास अचानक मंत्री शंभूराज देसाई यांची भेट घेतली. ही भेट मंत्री देसाईंच्या निवासस्थानी झाली. दरम्यान आमदार भाेसले आणि मंत्री देसाई (shambhuraj desai) यांच्यात दिर्घकाळ चर्चा झाली. या दाेन्ही नेत्यांच्या भेटीची चर्चा (satara) शहरात रंगली हाेती. (Shivendraraje Bhosale Latest Marathi News)

सातारा जिल्ह्यात सध्या मजूर फेडरेशनच्या निवडणुकीचा प्रचाराचा धुरळा उडत आहे. प्रत्येक जण आपली संपुर्ण ताकद पणाला लावत आहे. आज दुपारी सातारा जिल्ह्याचे पालकमंत्री शंभूराज देसाई यांना भेटायला आमदार शिवेंद्रराजे अचानक त्यांच्या कोयना दौलत या साताऱ्यातील निवासस्थानी गेले.

शिवेंद्रराजे तिथे पोहचण्याचा काही वेळ आधी खासदार उदयनराजे यांचे निकटवर्ती सुनील काटकर हे पोहचले होते. या वेळी त्यांनी शंभूराज देसाई यांना उदयनराजेंचा फोन जोडून दिला. हा फोन सुरू असतानाच अचनाक आमदार शिवेंद्रराजे देसाईं समोर उभे राहिले. (Maharashtra News)

यावेळी अचानक फोन कट झाला. शिवेंद्रराजे येताच उदयनराजेंचा फोन कट झाल्याने उपस्थितांमध्ये या किस्स्याची जोरदार चर्चा रंगली. आता या निवडणुकीत उत्पादन शुल्क मंत्री शंभूराज देसाई नेमकी कोणाची बाजू घेणार याकडे सर्वांचे लक्ष लागून राहिले आहे.

Edited By : Siddharth Latkar